పంతము నేనాడుకొన్నాఁ బలుమారు మెచ్చేవు
(॥పల్లవి॥)
పంతము నేనాడుకొన్నాఁ బలుమారు మెచ్చేవు
యెంతవాఁడ వింతసేసే విట్టిది వో వలపు
(॥పంత॥)
పచ్చిమాటలాడితేను భావమెల్లాఁ గరఁగేవు
హెచ్చుకుందులాడినా యియ్యకొనేవు
కచ్చుపెట్టి జంకించితే కాఁగిటనే పొదిగేవు
యిచ్చితివి చనవులు యిట్టిదివో వలపు
(॥పంత॥)
చెక్కు నొక్కి పలికితే చెమరించేవు మేనెల్లా
వొక్కటై గోరనూఁదినా నోరిచేవు
మొక్కలాననలిగితే మోహము పైఁజల్లేవు
యెక్కడాను నన్నుఁ బాయవిట్టిదివో వలపు
(॥పంత॥)
మొగము నేఁజూచితేనే ముచ్చటతో భ్రమసేవు
అగడుగా నేఁగూడినా నందుకోపేవు
తగిలి శ్రీ వేంకటేశ తమితో మన్నించితివి
యిగిరించేవు పై పై నె యిట్టిదివో వలపు
(||pallavi||)
paṁtamu nenāḍugŏnnām̐ balumāru mĕchchevu
yĕṁtavām̐ḍa viṁtasese viṭṭidi vo valabu
(||paṁta||)
pachchimāḍalāḍidenu bhāvamĕllām̐ garam̐gevu
hĕchchuguṁdulāḍinā yiyyagŏnevu
kachchubĕṭṭi jaṁkiṁchide kām̐giḍane pŏdigevu
yichchidivi sanavulu yiṭṭidivo valabu
(||paṁta||)
sĕkku nŏkki paligide sĕmariṁchevu menĕllā
vŏkkaḍai goranūm̐dinā norisevu
mŏkkalānanaligide mohamu paim̐jallevu
yĕkkaḍānu nannum̐ bāyaviṭṭidivo valabu
(||paṁta||)
mŏgamu nem̐jūsidene muchchaḍado bhramasevu
agaḍugā nem̐gūḍinā naṁdugobevu
tagili śhrī veṁkaḍeśha tamido manniṁchidivi
yigiriṁchevu pai pai nĕ yiṭṭidivo valabu