పంతమిచ్చేఁ గోవయ్య పట్టవయ్య
(॥పల్లవి॥)
పంతమిచ్చేఁ గోవయ్య పట్టవయ్య
యింత నీవు మన్నించితే యియ్యకొంటినయ్యా
(॥పంత॥)
సెలవికి నవ్వువచ్చె చేరి నీతో మాటాడఁగ
వులివచ్చి సాము నీతో నోపమయ్యా
పులకలు మేననిండె పొంచి వద్దఁ గూచుండఁగ
యెలమి నిన్నొరయఁగ నెంత దాననయ్యా
(॥పంత॥)
చెక్కులఁ జెమటనిండె సిగ్గులు నేఁబడఁగా
వొక్కమాటే జాణతనాలోపమయ్యా
చొక్కులు మతికి వచ్చె సుద్దులు నీచేవినఁగ
దక్కె నన్నిపనులును తమకించనయ్యా
(॥పంత॥)
కాయము కళలురేఁగె కాఁగిట నిన్నుఁ గూడఁగా
వోయయ్య నిన్నలయించ నోపమయ్యా
యీయెడ శ్రీవేంకటేశ యిట్టెనన్ను నేలితివి
చాయలు సన్నలు లోలో సరివచ్చెనయ్యా
(||pallavi||)
paṁtamichchem̐ govayya paṭṭavayya
yiṁta nīvu manniṁchide yiyyagŏṁṭinayyā
(||paṁta||)
sĕlavigi navvuvachchĕ seri nīdo māḍāḍam̐ga
vulivachchi sāmu nīdo nobamayyā
pulagalu menaniṁḍĕ pŏṁchi vaddam̐ gūsuṁḍam̐ga
yĕlami ninnŏrayam̐ga nĕṁta dānanayyā
(||paṁta||)
sĕkkulam̐ jĕmaḍaniṁḍĕ siggulu nem̐baḍam̐gā
vŏkkamāḍe jāṇadanālobamayyā
sŏkkulu madigi vachchĕ suddulu nīsevinam̐ga
dakkĕ nannibanulunu tamagiṁchanayyā
(||paṁta||)
kāyamu kaḽalurem̐gĕ kām̐giḍa ninnum̐ gūḍam̐gā
voyayya ninnalayiṁcha nobamayyā
yīyĕḍa śhrīveṁkaḍeśha yiṭṭĕnannu nelidivi
sāyalu sannalu lolo sarivachchĕnayyā