పంటలభాగ్యులు వీరా బహువ్యవసాయులు
(॥పల్లవి॥)
పంటలభాగ్యులు వీరా బహువ్యవసాయులు
అంటిముట్టి యిట్లఁ గాపాడుదురు ఘనులు
(॥పంట॥)
పొత్తుల పాపమనేటి పోడు నఱకివేసి
చిత్తమనియెడు చేను చేనుగా దున్ని
మత్తిలి శాంతమనే మంచివాన వదనున
విత్తుదురు హరిభక్తి వివేకులు
(॥పంట॥)
కామక్రోధాదులనే కలువు దవ్వివేసి
వేమరు వైరాగ్యమనే వెలుఁగు వెట్టి
దోమటి నాచారవిధుల యెరువులువేసి
వోముచున్నారు జ్ఞానపుఁ బై రుద్యోగజనులు
(॥పంట॥)
యెందు చూచిన శ్రీవేంకటేశుఁ డున్నాఁడనియెడి-
అందిన చేని పంట లనుభవించి
సందడించి తమవంటి శరణాగతులుఁ దాము
గొంది నిముడుకొందురు గురుకృప జనులు
(||pallavi||)
paṁṭalabhāgyulu vīrā bahuvyavasāyulu
aṁṭimuṭṭi yiṭlam̐ gābāḍuduru ghanulu
(||paṁṭa||)
pŏttula pābamaneḍi poḍu naṟagivesi
sittamaniyĕḍu senu senugā dunni
mattili śhāṁtamane maṁchivāna vadanuna
vittuduru haribhakti vivegulu
(||paṁṭa||)
kāmakrodhādulane kaluvu davvivesi
vemaru vairāgyamane vĕlum̐gu vĕṭṭi
domaḍi nāsāravidhula yĕruvuluvesi
vomusunnāru jñānabum̐ bai rudyogajanulu
(||paṁṭa||)
yĕṁdu sūsina śhrīveṁkaḍeśhum̐ ḍunnām̐ḍaniyĕḍi-
aṁdina seni paṁṭa lanubhaviṁchi
saṁdaḍiṁchi tamavaṁṭi śharaṇāgadulum̐ dāmu
gŏṁdi nimuḍugŏṁduru gurukṛpa janulu