(॥పల్లవి॥)
పంతగాఁడు మిక్కిలి బంటతనమునను
అంతటాఁ గలశాపుర హనుమంతరాయఁడు
(॥పంత॥)
నీరధి చంగన దాఁటి నెట్టన లంకచొచ్చి
శ్రీరాము నుంగరము సీతకిచ్చి
మేరమీరి యక్షుఁ గొట్టి మేటి వనము వెఱికె
ఆరయఁ గలశాపుర హనుమంతరాయఁడు
(॥పంత॥)
ఘాతతో లంక గాలిచి గక్కన లంకిణిఁ జంపి
యీతలికి మగుడఁ దా నేతెంచి
సీతాశిరోమణి శ్రీరామునకు నిచ్చె
ఆతఁడే కలశాపుర హనుమంతరాయఁడు
(॥పంత॥)
అల రావణుని గెల్చి అయోధ్యాపురికి వచ్చి
బలురాముని సీతతోఁ బట్టముగట్టి
నిలిచె శ్రీవేంకటాద్రినిలయుని యెదుటను
అలరెఁ గలశాపుర హనుమంతరాయఁడు
(||pallavi||)
paṁtagām̐ḍu mikkili baṁṭadanamunanu
aṁtaḍām̐ galaśhābura hanumaṁtarāyam̐ḍu
(||paṁta||)
nīradhi saṁgana dām̐ṭi nĕṭṭana laṁkasŏchchi
śhrīrāmu nuṁgaramu sīdagichchi
meramīri yakṣhum̐ gŏṭṭi meḍi vanamu vĕṟigĕ
ārayam̐ galaśhābura hanumaṁtarāyam̐ḍu
(||paṁta||)
ghādado laṁka gālisi gakkana laṁkiṇim̐ jaṁpi
yīdaligi maguḍam̐ dā nedĕṁchi
sīdāśhiromaṇi śhrīrāmunagu nichchĕ
ādam̐ḍe kalaśhābura hanumaṁtarāyam̐ḍu
(||paṁta||)
ala rāvaṇuni gĕlsi ayodhyāburigi vachchi
balurāmuni sīdadom̐ baṭṭamugaṭṭi
nilisĕ śhrīveṁkaḍādrinilayuni yĕduḍanu
alarĕm̐ galaśhābura hanumaṁtarāyam̐ḍu