(॥పల్లవి॥)
పంతపుఁ జెలులలోన భాగ్యము నాది
యింతటిదాననై రూఢికెక్కితి నేనమ్మా
(॥పంత॥)
పవళించి వుండినాను పాదము నామీఁదనే
కవగూడనుండినాను కాఁక నామీఁద
అవలఁ బారకై యున్న హస్తము నామీఁదనే
యివల నాపతిమోహమేమి చెప్పేనమ్మా
(॥పంత॥)
తలవంచుకుండినాను తలఁపు నామీఁదనే
పలుకకుండిన నాసబాస నామీఁద
కొలువులోనుండినాను గురుతు నామీఁదనే
యెలమి నాపెద్దరికమేమి చెప్పేనమ్మా
(॥పంత॥)
పనిగలిగుండినాను పక్షము నామీఁదనే
మనవి వింటానున్నా మర్మము నామీఁద
అనువై శ్రీ వేంకటేశుఁడన్నిటాను నన్నుఁగూడె
యినుమడించె వలపులేమిచెప్పేనమ్మా
(||pallavi||)
paṁtabum̐ jĕlulalona bhāgyamu nādi
yiṁtaḍidānanai rūḍhigĕkkidi nenammā
(||paṁta||)
pavaḽiṁchi vuṁḍinānu pādamu nāmīm̐dane
kavagūḍanuṁḍinānu kām̐ka nāmīm̐da
avalam̐ bāragai yunna hastamu nāmīm̐dane
yivala nābadimohamemi sĕppenammā
(||paṁta||)
talavaṁchuguṁḍinānu talam̐pu nāmīm̐dane
palugaguṁḍina nāsabāsa nāmīm̐da
kŏluvulonuṁḍinānu gurudu nāmīm̐dane
yĕlami nābĕddarigamemi sĕppenammā
(||paṁta||)
panigaliguṁḍinānu pakṣhamu nāmīm̐dane
manavi viṁṭānunnā marmamu nāmīm̐da
anuvai śhrī veṁkaḍeśhum̐ḍanniḍānu nannum̐gūḍĕ
yinumaḍiṁchĕ valabulemisĕppenammā