పంట వండుకొనేవారిభాగ్యము లిటమీఁద
(॥పల్లవి॥)
పంట వండుకొనేవారిభాగ్యము లిటమీఁద-
నంటిముట్టి వెదకితే నాతుమ లోనున్నది
(॥పంట॥)
వేదములలో మొలచె వేదాంతాలఁ గొనసాగె
గాదిలి శ్రీహరిభక్తికల్పలత
పోదియెక్కె వై రాగ్యబోధలచేఁ బలుమారు
పాదుకొని వేరువారె పంచసంస్కారాలను
(॥పంట॥)
అల్లుకొనె మునులలో నంటెనుఁ బురాణాల
చెల్లుబడి శాస్త్రాలఁ జిగిరించెను
చల్లఁగాఁ బూవులు వూచె సత్కర్మవిదులను
మెల్లనే నీడలు నిండె మించి సుజ్ఞానమున
(॥పంట॥)
పరమయోగములఁ బూఁపలుఁ బిందెలు వుట్టె
పరగె సురలనే పందిటియందు
యిరవై శ్రీవేంకటేశుఁ డిందుకు ఫలమైనాఁడు
గురుసేవలను దొరకును వివేకులకు
(||pallavi||)
paṁṭa vaṁḍugŏnevāribhāgyamu liḍamīm̐da-
naṁṭimuṭṭi vĕdagide nāduma lonunnadi
(||paṁṭa||)
vedamulalo mŏlasĕ vedāṁtālam̐ gŏnasāgĕ
gādili śhrīharibhaktigalbalada
podiyĕkkĕ vai rāgyabodhalasem̐ balumāru
pādugŏni veruvārĕ paṁchasaṁskārālanu
(||paṁṭa||)
allugŏnĕ munulalo naṁṭĕnum̐ burāṇāla
sĕllubaḍi śhāstrālam̐ jigiriṁchĕnu
sallam̐gām̐ būvulu vūsĕ satkarmavidulanu
mĕllane nīḍalu niṁḍĕ miṁchi sujñānamuna
(||paṁṭa||)
paramayogamulam̐ būm̐palum̐ biṁdĕlu vuṭṭĕ
paragĕ suralane paṁdiḍiyaṁdu
yiravai śhrīveṁkaḍeśhum̐ ḍiṁdugu phalamainām̐ḍu
gurusevalanu dŏragunu vivegulagu