పంచుక అనుభవించు పడఁతుల మిందరము
(॥పల్లవి॥)
పంచుక అనుభవించు పడఁతుల మిందరము
ముంచి నీమన్నన నాపై మోహముగలంతే
(॥పంచుక॥)
మనసిచ్చి నాతోను మాటాడుటే పదివేలు
యెనయుమనుచు దూరనెంతదానను
చనవు నీదొకటే సతులు పదారువేలు
పెనఁగితే నెంతవచ్చు బెరసి నావంతు
(॥పంచుక॥)
యిచ్చగించి నాయెదుట నిరవవుటే పదివేలు
యెచ్చరించి కొసర నేనెంతదానను
అచ్చపు నీకాఁగిలిడే అతివలు శానాశాన
ఇచ్చితివి నావంతు యెంతవచ్చునందును
(॥పంచుక॥)
కందువ నీరతి నన్నుఁ గలయుటే పదివేలు
యిందరిలోఁ జెప్పేనంటే యెంతదానను
విందుల శ్రీ వెంకటేశ విభుఁడవు నేమాండ్ల
మిందులో మించితి వంతుకెంత వచ్చునిపుడు
(||pallavi||)
paṁchuga anubhaviṁchu paḍam̐tula miṁdaramu
muṁchi nīmannana nābai mohamugalaṁte
(||paṁchuga||)
manasichchi nādonu māḍāḍuḍe padivelu
yĕnayumanusu dūranĕṁtadānanu
sanavu nīdŏgaḍe sadulu padāruvelu
pĕnam̐gide nĕṁtavachchu bĕrasi nāvaṁtu
(||paṁchuga||)
yichchagiṁchi nāyĕduḍa niravavuḍe padivelu
yĕchchariṁchi kŏsara nenĕṁtadānanu
achchabu nīgām̐giliḍe adivalu śhānāśhāna
ichchidivi nāvaṁtu yĕṁtavachchunaṁdunu
(||paṁchuga||)
kaṁduva nīradi nannum̐ galayuḍe padivelu
yiṁdarilom̐ jĕppenaṁṭe yĕṁtadānanu
viṁdula śhrī vĕṁkaḍeśha vibhum̐ḍavu nemāṁḍla
miṁdulo miṁchidi vaṁtugĕṁta vachchunibuḍu