పంచేంద్రియములనే పట్టణస్వాములాల
(॥పల్లవి॥)
పంచేంద్రియములనే పట్టణస్వాములాల
తెంచి బేరమాడుకొని దించరో బరవు
(॥పంచేం॥)
తగిన సంసారసముద్రములోనఁ దిరిగాడి
బిగువుదేహపు టోడబేహారివాఁడ
జగతిఁ బుణ్యపాపపు సరకులు దెచ్చినాఁడ
దిగితి బూతురేవునఁ దీరుచరో సుంకము
(॥పంచేం॥)
అడరి గుణత్రయములనేటి తెడ్డుల చేత
నడుమ నిన్నాళ్ళదాఁకా నడపినాడ
కడుఁజంచలములనే గాలిచాప లెత్తినాఁడ
వెడమాయపు సరకు వెలకియ్యరో
(॥పంచేం॥)
ఆతుమయనేటి కంభ మంతరాత్ముఁ డెక్కియుండి
నీతితో మమ్ముఁగాచుక నిలుచున్నాఁడు
ఆతఁడే శ్రీవేంకటేశుఁ డటు మాకు మీకుఁ గర్త
ఘాతమాని ఇఁక మాకు కడుగుణ మియ్యరో
(||pallavi||)
paṁcheṁdriyamulane paṭṭaṇasvāmulāla
tĕṁchi beramāḍugŏni diṁcharo baravu
(||paṁcheṁ||)
tagina saṁsārasamudramulonam̐ dirigāḍi
biguvudehabu ṭoḍabehārivām̐ḍa
jagadim̐ buṇyabābabu saragulu dĕchchinām̐ḍa
digidi būdurevunam̐ dīrusaro suṁkamu
(||paṁcheṁ||)
aḍari guṇatrayamulaneḍi tĕḍḍula seda
naḍuma ninnāḽḽadām̐kā naḍabināḍa
kaḍum̐jaṁchalamulane gālisāba lĕttinām̐ḍa
vĕḍamāyabu saragu vĕlagiyyaro
(||paṁcheṁ||)
ādumayaneḍi kaṁbha maṁtarātmum̐ ḍĕkkiyuṁḍi
nīdido mammum̐gāsuga nilusunnām̐ḍu
ādam̐ḍe śhrīveṁkaḍeśhum̐ ḍaḍu māgu mīgum̐ garda
ghādamāni im̐ka māgu kaḍuguṇa miyyaro