పంచేంద్రియములాల పంచభూతములాల
(॥పల్లవి॥)
పంచేంద్రియములాల పంచభూతములాల
అంచెలఁ దొమ్మి సేయకురో మీరు
(॥పంచేం॥)
కొందరికి మంచివాఁడ కొందరికిఁ గానివాఁడ
నిందకుఁ గీర్తికిఁ బొత్తు నే నొకఁడనే
అంది నిద్దిరించువాఁడ నటు మేలుకొనువాఁడ
బొందితో నెఱుక మఱపులకు నొక్కఁడనే
(॥పంచేం॥)
దైవము నిర్మించినది ధరణిఁ బొడమినది
యీవలావలికిఁ బొత్తు యీ దేహమే
వేవేలు పుణ్యములకు వెలయుఁ బాపములకు
యీవల రెంటికి గురి ఇదివో నా మనసు
(॥పంచేం॥)
తుంచి సగమటు వోవు తోడనే సగము వచ్చు
పంచి లోనికి వెలికిఁ బ్రాణమొక్కటే
కొంచక శ్రీవేంకటేశుఁ గొలిచి నే శరణంటి
మంచివాయఁ బనులెల్లా మమ్ముఁ గాచె నితఁడు
(||pallavi||)
paṁcheṁdriyamulāla paṁchabhūdamulāla
aṁchĕlam̐ dŏmmi seyaguro mīru
(||paṁcheṁ||)
kŏṁdarigi maṁchivām̐ḍa kŏṁdarigim̐ gānivām̐ḍa
niṁdagum̐ gīrdigim̐ bŏttu ne nŏgam̐ḍane
aṁdi niddiriṁchuvām̐ḍa naḍu melugŏnuvām̐ḍa
bŏṁdido nĕṟuga maṟabulagu nŏkkam̐ḍane
(||paṁcheṁ||)
daivamu nirmiṁchinadi dharaṇim̐ bŏḍaminadi
yīvalāvaligim̐ bŏttu yī dehame
vevelu puṇyamulagu vĕlayum̐ bābamulagu
yīvala rĕṁṭigi guri idivo nā manasu
(||paṁcheṁ||)
tuṁchi sagamaḍu vovu toḍane sagamu vachchu
paṁchi lonigi vĕligim̐ brāṇamŏkkaḍe
kŏṁchaga śhrīveṁkaḍeśhum̐ gŏlisi ne śharaṇaṁṭi
maṁchivāyam̐ banulĕllā mammum̐ gāsĕ nidam̐ḍu