పలుమారు వాదమేల పంతమేమి వచ్చె నీ(మీ?)కు
(॥పల్లవి॥)
పలుమారు వాదమేల పంతమేమి వచ్చె నీ(మీ?)కు
చలమో ఫలమో సాధించుకోరయ్యా
(॥పలు॥)
ధరమీఁదఁ జేయఁబోతే తగు పుణ్యములు లేవా
హరిదాసుఁడయ్యే పుణ్యమందుటఁ గాక
సురలు బ్రహ్మాదులును చూడఁగా నే పొడవున
తిరమై యున్నారో తెలుసుకోరయ్యా
(॥పలు॥)
మాపుదాఁకా సలిగెలు మహిమలు లేవా
శ్రీపతిదాసులై యంత చెల్లదుఁ గాక
చేపడిన మాత్రమున చేటులేని పదవుల
యేపున నెవ్వరున్నారో యెరుఁగరయ్యా
(॥పలు॥)
యేవలఁ గొలువఁబోతే నెందరు దైవాలు లేరు
శ్రీవేంకటేశువలె రక్షించరుఁ గాక
కోవరమై యేఁటనేఁటాఁ గోరి వరములకుఁగా
కావించి పరుష వచ్చేకత చూచుకోరయ్యా
(||pallavi||)
palumāru vādamela paṁtamemi vachchĕ nī(mī?)ku
salamo phalamo sādhiṁchugorayyā
(||palu||)
dharamīm̐dam̐ jeyam̐bode tagu puṇyamulu levā
haridāsum̐ḍayye puṇyamaṁduḍam̐ gāga
suralu brahmādulunu sūḍam̐gā ne pŏḍavuna
tiramai yunnāro tĕlusugorayyā
(||palu||)
mābudām̐kā saligĕlu mahimalu levā
śhrībadidāsulai yaṁta sĕlladum̐ gāga
sebaḍina mātramuna seḍuleni padavula
yebuna nĕvvarunnāro yĕrum̐garayyā
(||palu||)
yevalam̐ gŏluvam̐bode nĕṁdaru daivālu leru
śhrīveṁkaḍeśhuvalĕ rakṣhiṁcharum̐ gāga
kovaramai yem̐ṭanem̐ṭām̐ gori varamulagum̐gā
kāviṁchi paruṣha vachchegada sūsugorayyā