(॥పల్లవి॥)
పలుకుఁదేనియల నుపారమియ్యవే
అలరువాసనల నీ యధరబింబానకు
(॥పలుకు॥)
పుక్కిటి లేనగవు పొంగుఁబాలు చూపవే
చక్కని నీవదనంపు చందమామకు
అక్కరొ నీవాలుఁగన్నులా రతిగా నెత్తవే
గక్కన నీచెక్కుతొలుకరి మెరుపులకు
(॥పలుకు॥)
కమ్మని నీమేని తావి కానుకగా నియ్యవే
వుమ్మగింత చల్లెడి నీవూరుపులకు
చిమ్ముల నీచెమటలఁ జేయవే మజ్జనము
దిమ్మరి నీమురిపెవు తీగమేనికి
(॥పలుకు॥)
పతి వేంకటేశుఁ గూడి పరవశమియ్యవే
యితవైన నీమంచి హృదయానకు
అతనినే తలఁచఁగ నానతియ్యఁ గదవె
తతితోడ నీలోని తలపోఁతలకు
(||pallavi||)
palugum̐deniyala nubāramiyyave
alaruvāsanala nī yadharabiṁbānagu
(||palugu||)
pukkiḍi lenagavu pŏṁgum̐bālu sūbave
sakkani nīvadanaṁpu saṁdamāmagu
akkarŏ nīvālum̐gannulā radigā nĕttave
gakkana nīsĕkkudŏlugari mĕrubulagu
(||palugu||)
kammani nīmeni tāvi kānugagā niyyave
vummagiṁta sallĕḍi nīvūrubulagu
simmula nīsĕmaḍalam̐ jeyave majjanamu
dimmari nīmuribĕvu tīgamenigi
(||palugu||)
padi veṁkaḍeśhum̐ gūḍi paravaśhamiyyave
yidavaina nīmaṁchi hṛdayānagu
adanine talam̐sam̐ga nānadiyyam̐ gadavĕ
tadidoḍa nīloni talabom̐talagu