(॥పల్లవి॥)
పలుకుఁదేనెల తల్లి పవళించెను
కలికితనముల విభునిఁ గలసినది గాన
(॥పలుకు॥)
నిగనిగని మోముపై నెఱులు గెలఁకులఁ జెదర
పగలైన దాఁకఁ జెలి పవళించెను
తెగని పరిణతులతోఁ దెల్లవాఱినదాఁక
జగదేకపతి మనసు జట్టిగొనెఁగాన
(॥పలుకు॥)
కొంగుజాఱిన మెఱుఁగు గుబ్బలొలయఁగఁ దరుణి
బంగారు మేడపైఁ బవళించెను
చెంగలువ కనుఁగొనల సింగారములు దొలఁక
నంగజగురినితోడ నలసినదికాన
(॥పలుకు॥)
మురిపెంపు నటనతో ముత్యాలమలఁగుపై
పరవశంబునఁ దరుణి పవళించెను
తిరువేంకటచలాధిపుని కౌఁగిటఁ గలసి
యరవిరైననుఁ జెమట నంటినదికాన
(||pallavi||)
palugum̐denĕla talli pavaḽiṁchĕnu
kaligidanamula vibhunim̐ galasinadi gāna
(||palugu||)
niganigani momubai nĕṟulu gĕlam̐kulam̐ jĕdara
pagalaina dām̐kam̐ jĕli pavaḽiṁchĕnu
tĕgani pariṇaduladom̐ dĕllavāṟinadām̐ka
jagadegabadi manasu jaṭṭigŏnĕm̐gāna
(||palugu||)
kŏṁgujāṟina mĕṟum̐gu gubbalŏlayam̐gam̐ daruṇi
baṁgāru meḍabaim̐ bavaḽiṁchĕnu
sĕṁgaluva kanum̐gŏnala siṁgāramulu dŏlam̐ka
naṁgajagurinidoḍa nalasinadigāna
(||palugu||)
muribĕṁpu naḍanado mutyālamalam̐gubai
paravaśhaṁbunam̐ daruṇi pavaḽiṁchĕnu
tiruveṁkaḍasalādhibuni kaum̐giḍam̐ galasi
yaravirainanum̐ jĕmaḍa naṁṭinadigāna