(॥పల్లవి॥)
పలుకులఁదేనియ లొలికెడి చక్కని
వెలఁదులు కోనేటి విభునిఁ బాడెదరె
(॥పలుకు॥)
నలికపుఁజూపుల నగవుల నునుసిగ్గు
దొలఁకంగ నిగ్గు దోఁపంగ
కలికికి కన్నుఁగవ కాంతలు ప్రేమ
నెలయించి తిరువేంకటేశునిఁ బాడెదరె
(॥పలుకు॥)
పెదవుల సన్నపు బీటల మెఱుఁగులు
పొదలంగ ముద్దులు పొలయంగా
వదనము సొబగులు వనితలు కడుఁ
గదసి వెంకటగిరి ఘనునిఁ బాడెదరె
(॥పలుకు॥)
భారపుఁ గుచముల కన్నీటి చెమటలు
జారంగా తావిచల్లంగా
కూరిమి రచనలు గొసరుచుఁ గడు
ధీరునిఁ గోనేటి తిమ్మనిఁ బాడెదరె
(||pallavi||)
palugulam̐deniya lŏligĕḍi sakkani
vĕlam̐dulu koneḍi vibhunim̐ bāḍĕdarĕ
(||palugu||)
naligabum̐jūbula nagavula nunusiggu
dŏlam̐kaṁga niggu dom̐paṁga
kaligiki kannum̐gava kāṁtalu prema
nĕlayiṁchi tiruveṁkaḍeśhunim̐ bāḍĕdarĕ
(||palugu||)
pĕdavula sannabu bīḍala mĕṟum̐gulu
pŏdalaṁga muddulu pŏlayaṁgā
vadanamu sŏbagulu vanidalu kaḍum̐
gadasi vĕṁkaḍagiri ghanunim̐ bāḍĕdarĕ
(||palugu||)
bhārabum̐ gusamula kannīḍi sĕmaḍalu
jāraṁgā tāvisallaṁgā
kūrimi rasanalu gŏsarusum̐ gaḍu
dhīrunim̐ goneḍi timmanim̐ bāḍĕdarĕ