(॥పల్లవి॥)
పలికేటి వేదమె ప్రమాణము
తలఁచిన వారికి తత్వము సుండీ
(॥పలి॥)
నరహరి యజాండనాయకుడు
సురలితనినే సంస్తుతించిరి
పురుషోత్తముఁ డిదె భూమికి - యీ
హరిఁ గొలువనివా రసురలు సుండీ
(॥పలి॥)
కమలారమణుఁడె ఘనుఁడు
అమరులె మ్రొక్కుదు రాతనికి
విమతులఁ దునిమె విష్ణుఁడు
తమిఁ బూజించక తగు గతి లేదు
(॥పలి॥)
భావజజనకుఁడు బ్రహ్మము
సోవగఁ గొలిచిరి శుకాదులు
శ్రీవేంకటపతిచెలువుఁడు
దైవశిఖామణిఁ దలఁచరో బుధులు
(||pallavi||)
paligeḍi vedamĕ pramāṇamu
talam̐sina vārigi tatvamu suṁḍī
(||pali||)
narahari yajāṁḍanāyaguḍu
suralidanine saṁstudiṁchiri
puruṣhottamum̐ ḍidĕ bhūmigi - yī
harim̐ gŏluvanivā rasuralu suṁḍī
(||pali||)
kamalāramaṇum̐ḍĕ ghanum̐ḍu
amarulĕ mrŏkkudu rādanigi
vimadulam̐ dunimĕ viṣhṇum̐ḍu
tamim̐ būjiṁchaga tagu gadi ledu
(||pali||)
bhāvajajanagum̐ḍu brahmamu
sovagam̐ gŏlisiri śhugādulu
śhrīveṁkaḍabadisĕluvum̐ḍu
daivaśhikhāmaṇim̐ dalam̐saro budhulu