పైపై నిన్నుఁ గొరితే పసురే కాదా
(॥పల్లవి॥)
పైపై నిన్నుఁ గొరితే పసురే కాదా
వైపులు సేసుక నే నే వద్దనుండేఁ గాకా
(॥పప॥)
యిచ్చకము లాడఁగానె యిటు రమ్మనేవు గాక
చెచ్చెర నిజ మాడితే చేర నిచ్చేవా
పచ్చిగాఁగ నీగుణము పచరించ నేమున్నది
కొచ్చి నా నేరుపుననె గుట్టుసేసేఁ గాకా
(॥పప॥)
చాయచేసు కుండఁగానె చవులై వుందానఁగాక
నాయము నడపు మంటే నన్ను మెచ్చేవా
సోయగాన నిన్నంత సోదించ నేమున్నది
తీయని మాటాడి నిన్ను తిద్దుకొనేఁ గాక
(॥పప॥)
కదిసి నేఁ గూడఁగానె కరఁగి చొక్కేవు గాక
వదరి నే నూరకున్న వస మయ్యేవా
అదె శ్రీ వెంకటేశుఁడ అలమేలుమంగ నేను
పొదిగి నేనుండఁగానె భోగించేవు గాకా
(||pallavi||)
paibai ninnum̐ gŏride pasure kādā
vaibulu sesuga ne ne vaddanuṁḍem̐ gāgā
(||paba||)
yichchagamu lāḍam̐gānĕ yiḍu rammanevu gāga
sĕchchĕra nija māḍide sera nichchevā
pachchigām̐ga nīguṇamu pasariṁcha nemunnadi
kŏchchi nā nerubunanĕ guṭṭusesem̐ gāgā
(||paba||)
sāyasesu kuṁḍam̐gānĕ savulai vuṁdānam̐gāga
nāyamu naḍabu maṁṭe nannu mĕchchevā
soyagāna ninnaṁta sodiṁcha nemunnadi
tīyani māḍāḍi ninnu tiddugŏnem̐ gāga
(||paba||)
kadisi nem̐ gūḍam̐gānĕ karam̐gi sŏkkevu gāga
vadari ne nūragunna vasa mayyevā
adĕ śhrī vĕṁkaḍeśhum̐ḍa alamelumaṁga nenu
pŏdigi nenuṁḍam̐gānĕ bhogiṁchevu gāgā