పగవారికైనా నిట్టిపాటు వద్దయ్యా
(॥పల్లవి॥)
పగవారికైనా నిట్టిపాటు వద్దయ్యా
తెగువలు నీవు రాఁగాఁ దిప్పుకొంటిఁ గాని
(॥పగ॥)
నీసుద్దులే ఆడుకొంటా నెలఁతలతోడుత
ఆసలు మతిఁ బెట్టుక అలసితిని
గాసిలినమీఁద కాఁకలు దొట్టించఁగాను
వీసమంత పొద్దైనా వేగించరాదాయ
(॥పగ॥)
చొప్పుగా నీకెదురులు చూచిచూచి వాకిటను
రెప్పల ముయ్యఁగలేక రేసువడితి
వుప్పతిల్లు వలపెల్ల నొక్కమాటె రేఁగఁగాను
నిప్పువంటి తమకము నీఁగఁగ రాదాయను
(॥పగ॥)
కందువకు నీవురాఁగా గక్కనఁ గాఁగిట నించి
యిందుకా శ్రీవేంకటేశ యిట్టె మెచ్చితి
విందుల నీరతులలో వేడుక పిక్కటిల్లఁగా
సందడించి కుచములు సదమదమాయను
(||pallavi||)
pagavārigainā niṭṭibāḍu vaddayyā
tĕguvalu nīvu rām̐gām̐ dippugŏṁṭim̐ gāni
(||paga||)
nīsuddule āḍugŏṁṭā nĕlam̐taladoḍuda
āsalu madim̐ bĕṭṭuga alasidini
gāsilinamīm̐da kām̐kalu dŏṭṭiṁcham̐gānu
vīsamaṁta pŏddainā vegiṁcharādāya
(||paga||)
sŏppugā nīgĕdurulu sūsisūsi vāgiḍanu
rĕppala muyyam̐galega resuvaḍidi
vuppadillu valabĕlla nŏkkamāḍĕ rem̐gam̐gānu
nippuvaṁṭi tamagamu nīm̐gam̐ga rādāyanu
(||paga||)
kaṁduvagu nīvurām̐gā gakkanam̐ gām̐giḍa niṁchi
yiṁdugā śhrīveṁkaḍeśha yiṭṭĕ mĕchchidi
viṁdula nīradulalo veḍuga pikkaḍillam̐gā
saṁdaḍiṁchi kusamulu sadamadamāyanu