(॥పల్లవి॥)
పడఁతి నినుఁ దలచి పో పలుకఁడతఁడు, నీ-
వెడసినను బ్రాణంబు లెరవులాతనికి
(॥పడఁతి॥)
వెదచల్లు నీ మోమువెన్నెలలఁ దలఁచిపో
పొదలు వెన్నెలబయటఁ బొలయఁడతఁడు
ముదిత నీ నెరులు దురుమును దలఁచిపో యతఁడు
కొదమతేంట్ల గనిన గుండె జల్లనును
(॥పడఁతి॥)
లలితాంగి నీ దేహలత దలఁచి పో యిపుడు
చెలఁగి వనమునకు విచ్చేయఁడతఁడు
వెలఁది నీమోవికావిరి దలఁచి పో యతఁడు
తలిరాకు గని గుండె తల్లడంబౌను
(॥పడఁతి॥)
కోమలిరో నీ యిట్ల కూటములు దలఁచిపో
ప్రేమమితరములపైఁ బెట్టఁడతఁడు
దీమసపు వేంకటాధిపుఁడుగన యాతనికి
సామాన్యసరసతలు సరుకుగావరయ
(||pallavi||)
paḍam̐ti ninum̐ dalasi po palugam̐ḍadam̐ḍu, nī-
vĕḍasinanu brāṇaṁbu lĕravulādanigi
(||paḍam̐ti||)
vĕdasallu nī momuvĕnnĕlalam̐ dalam̐sibo
pŏdalu vĕnnĕlabayaḍam̐ bŏlayam̐ḍadam̐ḍu
mudida nī nĕrulu durumunu dalam̐sibo yadam̐ḍu
kŏdamadeṁṭla ganina guṁḍĕ jallanunu
(||paḍam̐ti||)
lalidāṁgi nī dehalada dalam̐si po yibuḍu
sĕlam̐gi vanamunagu vichcheyam̐ḍadam̐ḍu
vĕlam̐di nīmovigāviri dalam̐si po yadam̐ḍu
talirāgu gani guṁḍĕ tallaḍaṁbaunu
(||paḍam̐ti||)
komaliro nī yiṭla kūḍamulu dalam̐sibo
premamidaramulabaim̐ bĕṭṭam̐ḍadam̐ḍu
dīmasabu veṁkaḍādhibum̐ḍugana yādanigi
sāmānyasarasadalu sarugugāvaraya