(॥పల్లవి॥)
పచ్చిదేరే వలపు బయలువెరపు
నచ్చుగోరి నాటు కిన్నరి తంత్రి మీటు
(॥పచ్చి॥)
వెలయఁ జల్లనిగాలి విరులెదిర్చిన జాలి
తలఁప పూధూళి చిత్తజు వయ్యాళి
కలయ వెన్నెల వెలుఁగు కాలకూటపు నలుఁగు
పలుకుఁ దేనెలచిందు బడబాగ్నివిందు
(॥వచ్చి॥)
అగడు గోవిలకూఁత అంగన నొసలివ్రాఁత
నిగనిగని పన్నీరు నిప్పులయేరు
సొగసుచాలనిచోటు చురుకుటలుగుల పోటు
నగవుఁ జిలుకల నుడుగు నమ్మించు పిడుగు
(॥వచ్చి॥)
తనివోని రతికాఁక తప్పుసేయని యాఁక
వనితకీపతిమాట వలపుమూట
వినయంపు రతికింపు వేంకటేశ్వరు సొంపు
తనువుమెత్తనిపరపు తనువెల్లమరపు
(||pallavi||)
pachchidere valabu bayaluvĕrabu
nachchugori nāḍu kinnari taṁtri mīḍu
(||pachchi||)
vĕlayam̐ jallanigāli virulĕdirsina jāli
talam̐pa pūdhūḽi sittaju vayyāḽi
kalaya vĕnnĕla vĕlum̐gu kālagūḍabu nalum̐gu
palugum̐ denĕlasiṁdu baḍabāgniviṁdu
(||vachchi||)
agaḍu govilagūm̐ta aṁgana nŏsalivrām̐ta
niganigani pannīru nippulayeru
sŏgasusālanisoḍu suruguḍalugula poḍu
nagavum̐ jilugala nuḍugu nammiṁchu piḍugu
(||vachchi||)
tanivoni radigām̐ka tappuseyani yām̐ka
vanidagībadimāḍa valabumūḍa
vinayaṁpu radigiṁpu veṁkaḍeśhvaru sŏṁpu
tanuvumĕttanibarabu tanuvĕllamarabu