పారిరి దానవులెల్లా పంచబంగాళమైరి
(॥పల్లవి॥)
పారిరి దానవులెల్లా పంచబంగాళమైరి
తూరిరి గొందులెల్లాను తుత్తుమురై విరిగి
(॥పారి॥)
గరుడధ్వజునిదండు గదలె రాకాసులపై
అరదము దోలవో చయ్యన దారకా
ధరయెల్లఁ గుమ్మెలై పాతాళ మదే కానవచ్చె
తురగములఁ దోలవో దుమ్ములు రేఁగను
(॥పారి॥)
దనుజాంతకుని సేన దగ్గరి నడవఁజొచ్చె
చొనిపి రోప్పవో తేరు సుమంతుఁడా
గునిసి దిగ్గజములు గొబ్బున మొగ్గతిలెను
కినిసి పగ్గములు బిగించవో పయిపైన
(॥పారి॥)
శ్రీవేంకటేశుబలము చిమ్మిరేఁగి మించఁజొచ్చె
సేవించలమేల్మంగను సేనాపతీ
దేవతలు మొక్కి రదే దిక్కులు సాధ్యములాయ
తావుకు మరలించవో తానకముగాను
(||pallavi||)
pāriri dānavulĕllā paṁchabaṁgāḽamairi
tūriri gŏṁdulĕllānu tuttumurai virigi
(||pāri||)
garuḍadhvajunidaṁḍu gadalĕ rāgāsulabai
aradamu dolavo sayyana dāragā
dharayĕllam̐ gummĕlai pādāḽa made kānavachchĕ
turagamulam̐ dolavo dummulu rem̐ganu
(||pāri||)
danujāṁtaguni sena daggari naḍavam̐jŏchchĕ
sŏnibi roppavo teru sumaṁtum̐ḍā
gunisi diggajamulu gŏbbuna mŏggadilĕnu
kinisi paggamulu bigiṁchavo payibaina
(||pāri||)
śhrīveṁkaḍeśhubalamu simmirem̐gi miṁcham̐jŏchchĕ
seviṁchalamelmaṁganu senābadī
devadalu mŏkki rade dikkulu sādhyamulāya
tāvugu maraliṁchavo tānagamugānu