(॥పల్లవి॥)
ఒయ్యనె దగ్గరరమ్మ వూడిగాల సతులు
అయ్యో విసరరమ్మ అలశున్నవాఁడు
(॥ఒయ్య॥)
కరఁగు-జెమటలతో గందపుఁ బేంట్లతోడ
ఒరగి పవ్వళించున్నాఁడొ త్తగిల్లి
సరసపు మాటలతో చాఁచిన పాదములతో
గురియైన సతులతో గోవిందరాజు
(॥ఒయ్య॥)
తెల్లని కన్నులతోడ తేనెగారు మోవితోడ
చెల్లుబడిఁ బవ్వళించీ శేషునిమీఁద
వెల్లిగొను పూర్పులతో వెన్నెల నవ్వులతోడ
కొల్లవలపులతోడ గోవిందరాజు
(॥ఒయ్య॥)
బొడ్డు పూఁపకొడుకుతో పుక్కిటి తమ్ములముతో -
నొడ్డిన రతులతోడ నోలలాడీని
వెడ్డు వెట్టి కూడెనిదె వేంకటేశుఁడింతులను
గొడ్డువోని వరముల గోవిందరాజు
(||pallavi||)
ŏyyanĕ daggararamma vūḍigāla sadulu
ayyo visararamma alaśhunnavām̐ḍu
(||ŏyya||)
karam̐gu-jĕmaḍalado gaṁdabum̐ beṁṭladoḍa
ŏragi pavvaḽiṁchunnām̐ḍŏ ttagilli
sarasabu māḍalado sām̐sina pādamulado
guriyaina sadulado goviṁdarāju
(||ŏyya||)
tĕllani kannuladoḍa tenĕgāru movidoḍa
sĕllubaḍim̐ bavvaḽiṁchī śheṣhunimīm̐da
vĕlligŏnu pūrbulado vĕnnĕla navvuladoḍa
kŏllavalabuladoḍa goviṁdarāju
(||ŏyya||)
bŏḍḍu pūm̐pagŏḍugudo pukkiḍi tammulamudo -
nŏḍḍina raduladoḍa nolalāḍīni
vĕḍḍu vĕṭṭi kūḍĕnidĕ veṁkaḍeśhum̐ḍiṁtulanu
gŏḍḍuvoni varamula goviṁdarāju