ఓసరించి యేమిటికి నోపినట్టిదానఁ గాను
(॥పల్లవి॥)
ఓసరించి యేమిటికి నోపినట్టిదానఁ గాను
ఆసల రక్షించు పుణ్యమదే సుమ్మీ యిఁకను
(॥ఓస॥)
ఊరకున్న నన్నుఁదెచ్చి వొకటొకటే నేరిపి
యీరీతినె చనవిచ్చి యింత సేసితి
నేరుపు నేరాలెంచవు నీవు గాచేవాఁడవే
గోరపెట్టి విరహానఁ గుమ్మకుమీ నన్నును
(॥ఓస॥)
చిన్ననాఁడే నన్నుఁ దెచ్చి సేవలు సేయించుకొని
యిన్నిటాఁ బెద్దరికాన యింత సేసితి
వన్నెలు యెప్పుడు సేసేవే వలపు నే నెరుఁగుదు
వున్నమాయలకు నన్ను వొడ్డకుమీ యిఁకను
(॥ఓస॥)
మాయింటికి విచ్చేసి మంతనాన నమ్మికిచ్చి
యీ యెడనే నన్నుఁ గూడి యింతసేసితి
పాయపు శ్రీ వేంకటేశ బదికించేదెఱఁగనా
చాయల అపకీర్తికి చాల సుమ్మీ యిఁకను
(||pallavi||)
osariṁchi yemiḍigi nobinaṭṭidānam̐ gānu
āsala rakṣhiṁchu puṇyamade summī yim̐kanu
(||osa||)
ūragunna nannum̐dĕchchi vŏgaḍŏgaḍe neribi
yīrīdinĕ sanavichchi yiṁta sesidi
nerubu nerālĕṁchavu nīvu gāsevām̐ḍave
gorabĕṭṭi virahānam̐ gummagumī nannunu
(||osa||)
sinnanām̐ḍe nannum̐ dĕchchi sevalu seyiṁchugŏni
yinniḍām̐ bĕddarigāna yiṁta sesidi
vannĕlu yĕppuḍu seseve valabu ne nĕrum̐gudu
vunnamāyalagu nannu vŏḍḍagumī yim̐kanu
(||osa||)
māyiṁṭigi vichchesi maṁtanāna nammigichchi
yī yĕḍane nannum̐ gūḍi yiṁtasesidi
pāyabu śhrī veṁkaḍeśha badigiṁchedĕṟam̐ganā
sāyala abagīrdigi sāla summī yim̐kanu