(॥పల్లవి॥)
ఓరుపే నేరుపు సుమ్మీ వువిదలకు
మారుకోకు మగవాని మనసు మెత్తనిది
(॥ఓరు॥)
చలము సాదించవద్దు చనవే మెఱయవే
చెలువుఁడాతఁడే నీచేతఁ జిక్కీని
బలుములు చూపవద్దు పకపక నగవే
అలరిన జాణతనమందులోనే వున్నది
(॥ఓరు॥)
పగలు చాటఁగవద్దు పైకొని మెలఁగవే
సొగిసి ఆతఁడే నీసొమ్మై వుండీని
తగవులఁబెట్టవద్దు తమకము చూపవే
అగపడ్డ నీ పంతములందులోనే వున్నవి
(॥ఓరు॥)
మొక్కలమేమియునొద్దు మోహములు చల్లవే
నిక్కి శ్రీవేంకటేశుఁడు నిన్నుఁగూడెను
తక్కులఁ బెట్టఁగవొద్దు దయలు దలఁచవే
అక్కజపు నీరతులు అందులోనే వున్నవి
(||pallavi||)
orube nerubu summī vuvidalagu
mārugogu magavāni manasu mĕttanidi
(||oru||)
salamu sādiṁchavaddu sanave mĕṟayave
sĕluvum̐ḍādam̐ḍe nīsedam̐ jikkīni
balumulu sūbavaddu pagabaga nagave
alarina jāṇadanamaṁdulone vunnadi
(||oru||)
pagalu sāḍam̐gavaddu paigŏni mĕlam̐gave
sŏgisi ādam̐ḍe nīsŏmmai vuṁḍīni
tagavulam̐bĕṭṭavaddu tamagamu sūbave
agabaḍḍa nī paṁtamulaṁdulone vunnavi
(||oru||)
mŏkkalamemiyunŏddu mohamulu sallave
nikki śhrīveṁkaḍeśhum̐ḍu ninnum̐gūḍĕnu
takkulam̐ bĕṭṭam̐gavŏddu dayalu dalam̐save
akkajabu nīradulu aṁdulone vunnavi