(॥పల్లవి॥)
ఊరికిఁ బోయెడి వోతఁడ కడు-
చేరువ తెరు వేఁగి చెలఁగుమీ
(॥ఊరి॥)
ఎడమతెరువువంక కేఁగిన దొంగలు
తొడిఁబడ గోకలు దోఁచేరు
కుడితెరువున కేఁగి కొట్టువడక మంచి-
నడిమితెరువుననే నడవుమీ
(॥ఊరి॥)
అడ్డపుఁ దెరువుల నటునిటుఁ జుట్టాలు
వెడ్డువెట్టుచు నిన్ను వేఁచేరు
గొడ్డేరేచిన్నదిడ్డితెరువు వోక
దొడ్డతెరువువంక తొలఁగుమీ
(॥ఊరి॥)
కొండతెరువు కేఁగి కొంచపుసుఖముల
బండై తిరుగుచు బడలేవు
అండనుండెడిపరమాత్ముని తిరుమల-
కొండతెరువు తేఁకువ నేఁగుమీ
(||pallavi||)
ūrigim̐ boyĕḍi vodam̐ḍa kaḍu-
seruva tĕru vem̐gi sĕlam̐gumī
(||ūri||)
ĕḍamadĕruvuvaṁka kem̐gina dŏṁgalu
tŏḍim̐baḍa gogalu dom̐seru
kuḍidĕruvuna kem̐gi kŏṭṭuvaḍaga maṁchi-
naḍimidĕruvunane naḍavumī
(||ūri||)
aḍḍabum̐ dĕruvula naḍuniḍum̐ juṭṭālu
vĕḍḍuvĕṭṭusu ninnu vem̐seru
gŏḍḍeresinnadiḍḍidĕruvu voga
dŏḍḍadĕruvuvaṁka tŏlam̐gumī
(||ūri||)
kŏṁḍadĕruvu kem̐gi kŏṁchabusukhamula
baṁḍai tirugusu baḍalevu
aṁḍanuṁḍĕḍibaramātmuni tirumala-
kŏṁḍadĕruvu tem̐kuva nem̐gumī