(॥పల్లవి॥)
ఊరకున్నదంటా నేల వొరయఁగ వచ్చేవు
నేరుపులకెల్లా నిది నెపమింతే కాక
(॥ఊర॥)
పట్టరాదు ముట్టరాదు పడఁతుల మోహము
గుట్టుదెలిసినదాఁకా గురిగాదు
ఱట్టడివి నిన్నాపె యాఱడిసేయ నోపునా
పట్టిన వ్రతముతోడి బలిమే కాక
(॥ఊర॥)
చెప్పరాదు చూపరాదు చెలుల కోరికలు
ముప్పిరి మాఁటాడుదాఁకా ముచ్చటాడదు
తప్పనివాఁడవు నీతో తారుకాణ కోపునా
తెప్పగా నీతో నవ్వేతెలివే కాక
(॥ఊర॥)
పాయరాదు తోయరాదు పడఁతుల సంగములు
చేయి మీఁదయినదాఁకా సిగ్గువడ(వీడ?) దు
యీయెడ శ్రీవేంకటేశ యింతి నీవురాన నిల్చె
వాయకు గర్వించేదా సలిగింతే కాక
(||pallavi||)
ūragunnadaṁṭā nela vŏrayam̐ga vachchevu
nerubulagĕllā nidi nĕbamiṁte kāga
(||ūra||)
paṭṭarādu muṭṭarādu paḍam̐tula mohamu
guṭṭudĕlisinadām̐kā gurigādu
ṟaṭṭaḍivi ninnābĕ yāṟaḍiseya nobunā
paṭṭina vradamudoḍi balime kāga
(||ūra||)
sĕpparādu sūbarādu sĕlula korigalu
muppiri mām̐ṭāḍudām̐kā muchchaḍāḍadu
tappanivām̐ḍavu nīdo tārugāṇa kobunā
tĕppagā nīdo navvedĕlive kāga
(||ūra||)
pāyarādu toyarādu paḍam̐tula saṁgamulu
seyi mīm̐dayinadām̐kā sigguvaḍa(vīḍa?) du
yīyĕḍa śhrīveṁkaḍeśha yiṁti nīvurāna nilsĕ
vāyagu garviṁchedā saligiṁte kāga