ఊరకున్నా నెఱఁగఁడు వొడులు సోదించ వచ్చీ
(॥పల్లవి॥)
ఊరకున్నా నెఱఁగఁడు వొడులు సోదించ వచ్చీ
కేరి వొక్కరొక్కరమే గెలువఁగలేమా
(॥ఊర॥)
అంకులచేతులు వట్టి యానలేల పెట్టీని
సంకెలేని కొయ్యకాఁడు జాజరకాఁడు
మంకుల గొల్లెతలము మందవారమెల్లాఁ గూడి
కుంకుమగుబ్బలనే కుచ్చి యెత్తలేమా
(॥ఊర॥)
చల్లచాడెలంటుకొని జాణతనాలాడీని
పల్లదపు గద్దరీఁడు బయకాఁడు
కల్లరి దొడ్డివారము కన్నెలమెల్లాఁ గదిసి
పల్లుసోఁకులనె మోవి పచ్చిసేయ లేమా
(॥ఊర॥)
తోడనె వెన్నదుబ్బలు తొడుకనేల వచ్చీని
వేడుకకాఁడు శ్రీ వేంకటేశుఁడు
కూడె మమ్ము రేపల్లెకొమ్మలెల్లానిఁక
వీడెపుఁ దమ్ములు వెట్టి వింతసేయలేమా
(||pallavi||)
ūragunnā nĕṟam̐gam̐ḍu vŏḍulu sodiṁcha vachchī
keri vŏkkarŏkkarame gĕluvam̐galemā
(||ūra||)
aṁkulasedulu vaṭṭi yānalela pĕṭṭīni
saṁkĕleni kŏyyagām̐ḍu jājaragām̐ḍu
maṁkula gŏllĕdalamu maṁdavāramĕllām̐ gūḍi
kuṁkumagubbalane kuchchi yĕttalemā
(||ūra||)
sallasāḍĕlaṁṭugŏni jāṇadanālāḍīni
palladabu gaddarīm̐ḍu bayagām̐ḍu
kallari dŏḍḍivāramu kannĕlamĕllām̐ gadisi
pallusom̐kulanĕ movi pachchiseya lemā
(||ūra||)
toḍanĕ vĕnnadubbalu tŏḍuganela vachchīni
veḍugagām̐ḍu śhrī veṁkaḍeśhum̐ḍu
kūḍĕ mammu reballĕgŏmmalĕllānim̐ka
vīḍĕbum̐ dammulu vĕṭṭi viṁtaseyalemā