(॥పల్లవి॥)
ఊరకుంటే నన్ను నుండనియ్యవు ఇంత
పేరుకుచ్చి తిట్ట నన్నుఁ బ్రియమా నీకు
(॥ఊర॥)
బుజముపైఁ జేయి వేసి బుజ్జగించేవు ఇంత-
నిజమా నామీఁద నీ కరుణ
భజన మొరయ నన్నుఁ బచ్చి సేసేవు ఇంత-
గజరుఁజేఁతలకోపఁగలనా యిఁకను
(॥ఊర॥)
కాలుమీఁదఁ గాలువేసి కరఁగించేవు యింత-
మేలా నాతోడి సమేళములు
వాలుకచూపుల నాకు వాఁడివెట్టేవు యింత-
యేలికవై యిటుసేయనేలా యిపుడు
(॥ఊర॥)
చక్కఁదనమిది నాది జట్టిసేసేవు నా
చెక్కుల రేకలు వ్రాయఁ జిత్తగించేవు
చక్కని వేంకటగిరిస్వామీ నీవు యిట్టే
దక్కిన నన్నింత సేయఁ దగునా యిఁకను
(||pallavi||)
ūraguṁṭe nannu nuṁḍaniyyavu iṁta
peruguchchi tiṭṭa nannum̐ briyamā nīgu
(||ūra||)
bujamubaim̐ jeyi vesi bujjagiṁchevu iṁta-
nijamā nāmīm̐da nī karuṇa
bhajana mŏraya nannum̐ bachchi sesevu iṁta-
gajarum̐jem̐talagobam̐galanā yim̐kanu
(||ūra||)
kālumīm̐dam̐ gāluvesi karam̐giṁchevu yiṁta-
melā nādoḍi sameḽamulu
vālugasūbula nāgu vām̐ḍivĕṭṭevu yiṁta-
yeligavai yiḍuseyanelā yibuḍu
(||ūra||)
sakkam̐danamidi nādi jaṭṭisesevu nā
sĕkkula regalu vrāyam̐ jittagiṁchevu
sakkani veṁkaḍagirisvāmī nīvu yiṭṭe
dakkina nanniṁta seyam̐ dagunā yim̐kanu