ఊరకే పోనియ్యరా నన్నుద్దండాన
(॥పల్లవి॥)
ఊరకే పోనియ్యరా నన్నుద్దండాన
చేరలంతేసి కన్నులఁ జెంగలించే విప్పుడు
(॥ఊర॥)
జూద మాడఁ బిలిచేవు చూపులనే జంకించేవు
పేదవారి మేన సొమ్ము పెట్టనియ్యవా
కేదమున నోడి గెలిచితినంటా నా
పాద మంటి తీసుకోరా బంగారు మట్టెలు
(॥ఊర॥)
నెత్తమాడఁ బిలిచేవు నెఱవాది నంటాను
అత్తమామ గలవార మదేమి రా!
ఒత్తి విన్నవించలేము ఓడితేను నీకు నాకు
రిత్తమాట వద్దు రేఖరేఖ పందెమా!
(॥ఊర॥)
సొక్కటాలు నిన్న నాడి సోలి సత్యభామకు
మ్రొక్కితివి నేఁడు నాకు మ్రొక్కవలెఁగా
చక్కని వేంకటపతిస్వామి నన్నుం గూడితివి
మొక్కెద కర్పూర తాంబల మిరా చాలును
(||pallavi||)
ūrage poniyyarā nannuddaṁḍāna
seralaṁtesi kannulam̐ jĕṁgaliṁche vippuḍu
(||ūra||)
jūda māḍam̐ bilisevu sūbulane jaṁkiṁchevu
pedavāri mena sŏmmu pĕṭṭaniyyavā
kedamuna noḍi gĕlisidinaṁṭā nā
pāda maṁṭi tīsugorā baṁgāru maṭṭĕlu
(||ūra||)
nĕttamāḍam̐ bilisevu nĕṟavādi naṁṭānu
attamāma galavāra mademi rā!
ŏtti vinnaviṁchalemu oḍidenu nīgu nāgu
rittamāḍa vaddu rekharekha paṁdĕmā!
(||ūra||)
sŏkkaḍālu ninna nāḍi soli satyabhāmagu
mrŏkkidivi nem̐ḍu nāgu mrŏkkavalĕm̐gā
sakkani veṁkaḍabadisvāmi nannuṁ gūḍidivi
mŏkkĕda karbūra tāṁbala mirā sālunu