(॥పల్లవి॥)
ఊరకే నోరుమూసుక వొంటి నీకు మొక్కేమయ్య
చేరి నారాయణ నీవు చేసినట్టు సేయవే
(॥ఊర॥)
హరినామముఁ దలఁచి అణఁచేనంటేనయ్య
సరి నా పాతకములు చాల వందుకు
నరహరినామ మెంచి నాకుఁ గూడపెట్టేనంటే
అరుదైన పుణ్యములు అన్నిలేవు భూమిని
(॥ఊర॥)
రామనామము నొడిగి రవ్వల బోఁజోఁపే నంటే
తామసపునరకాలు దగ్గరవందు
వామననామమెంచి వరస్వర్గ మెక్కేనంటే
యేమిటా నాకడ వారికెడచా దదియు
(॥ఊర॥)
గోవిందనామముచేతఁ గుదించే భవములంటే
పావనమాయను నీభక్తివల్లను
శ్రీవేంకటేశ నేను చేకొని నీశరణంటి
యేవిధులు నెరఁగను యిదివో నీచిత్తము
(||pallavi||)
ūrage norumūsuga vŏṁṭi nīgu mŏkkemayya
seri nārāyaṇa nīvu sesinaṭṭu seyave
(||ūra||)
harināmamum̐ dalam̐si aṇam̐senaṁṭenayya
sari nā pādagamulu sāla vaṁdugu
naraharināma mĕṁchi nāgum̐ gūḍabĕṭṭenaṁṭe
arudaina puṇyamulu annilevu bhūmini
(||ūra||)
rāmanāmamu nŏḍigi ravvala bom̐jom̐pe naṁṭe
tāmasabunaragālu daggaravaṁdu
vāmananāmamĕṁchi varasvarga mĕkkenaṁṭe
yemiḍā nāgaḍa vārigĕḍasā dadiyu
(||ūra||)
goviṁdanāmamusedam̐ gudiṁche bhavamulaṁṭe
pāvanamāyanu nībhaktivallanu
śhrīveṁkaḍeśha nenu segŏni nīśharaṇaṁṭi
yevidhulu nĕram̐ganu yidivo nīsittamu