ఊరకే గడించుకొనీ వొక్కటొక్కటే తాను
(॥పల్లవి॥)
ఊరకే గడించుకొనీ వొక్కటొక్కటే తాను
మారుకొంటినంటాఁ దానే మతకానఁ జూచీనే
(॥ఊర॥)
తనివిదీరక వెనుతగిలితే నాయకుఁడు
యెనసి నే నమ్మనంటా నెగ్గుపట్టీనే
చనవు చేసుక మరి సరిఁ గొంగువట్టితేను
పెనఁగి పోనియ్యనంటా పెక్కులాడీనే
(॥ఊర॥)
చుట్టముఁజేసుక తన్ను సుద్దులెల్లా నడిగితే
పెట్టుకుండె నెపాలంటా బీరాలెంచీనే
వొట్టిన యాసలతోడ వొళ్ళు గాఁగిలించుకొంటే
అట్టె బలిమి సేసితినంటా దూరీనే
(॥ఊర॥)
కందువ రతికేళికి గడియ నేఁ బెట్టితేను
యిందరి నంటనీవంటా నింత సేసీనే
అందపు శ్రీవెంకటేశుఁ డప్పటిఁ దన్నుఁగూడితె
పొందుల భ్రమించెనంటా పూఁచి నవ్వీనే
(||pallavi||)
ūrage gaḍiṁchugŏnī vŏkkaḍŏkkaḍe tānu
mārugŏṁṭinaṁṭām̐ dāne madagānam̐ jūsīne
(||ūra||)
tanividīraga vĕnudagilide nāyagum̐ḍu
yĕnasi ne nammanaṁṭā nĕggubaṭṭīne
sanavu sesuga mari sarim̐ gŏṁguvaṭṭidenu
pĕnam̐gi poniyyanaṁṭā pĕkkulāḍīne
(||ūra||)
suṭṭamum̐jesuga tannu suddulĕllā naḍigide
pĕṭṭuguṁḍĕ nĕbālaṁṭā bīrālĕṁchīne
vŏṭṭina yāsaladoḍa vŏḽḽu gām̐giliṁchugŏṁṭe
aṭṭĕ balimi sesidinaṁṭā dūrīne
(||ūra||)
kaṁduva radigeḽigi gaḍiya nem̐ bĕṭṭidenu
yiṁdari naṁṭanīvaṁṭā niṁta sesīne
aṁdabu śhrīvĕṁkaḍeśhum̐ ḍappaḍim̐ dannum̐gūḍidĕ
pŏṁdula bhramiṁchĕnaṁṭā pūm̐si navvīne