ఒల్లఁడు గాక దేహి వుద్యోగించఁడు గాక
(॥పల్లవి॥)
ఒల్లఁడు గాక దేహి వుద్యోగించఁడు గాక
కొల్లలైన మేలు తనగుణములో నున్నది
(॥ఒల్లఁ॥)
తలఁచుకొంటేఁ జాలు దైవమేమి దవ్వా
నిలుచుక తనలోనే నిండుకున్నాఁడు
చలపట్టితేఁ జాలు సర్గమేమి బాఁతా
చలివేఁడి నాలికపై సత్యములో నున్నాఁడు
(॥ఒల్లఁ॥)
ఆయమెఱిఁగితేఁ జాలు నాయుష్యము గరవా
కాయపుటూపిరిలోనే గని వున్నది
చేయఁబోతే పుణ్యుడుగా జీవునికిఁ దడవా
చేయారఁ గర్మము తనచేతిలోనే వున్నది
(॥ఒల్లఁ॥)
మొక్క నేరిచితేఁ జాలు మోక్షమేమి లేదో
యెక్కువ శ్రీవేంకటేశుఁ డిదె వున్నాఁడు
దక్కఁగొంటేఁ జాలు పెద్దతనమేమి యరుదా
తక్కక శాంతముతోడి దయలోన నున్నది
(||pallavi||)
ŏllam̐ḍu gāga dehi vudyogiṁcham̐ḍu gāga
kŏllalaina melu tanaguṇamulo nunnadi
(||ŏllam̐||)
talam̐sugŏṁṭem̐ jālu daivamemi davvā
nilusuga tanalone niṁḍugunnām̐ḍu
salabaṭṭidem̐ jālu sargamemi bām̐tā
salivem̐ḍi nāligabai satyamulo nunnām̐ḍu
(||ŏllam̐||)
āyamĕṟim̐gidem̐ jālu nāyuṣhyamu garavā
kāyabuḍūbirilone gani vunnadi
seyam̐bode puṇyuḍugā jīvunigim̐ daḍavā
seyāram̐ garmamu tanasedilone vunnadi
(||ŏllam̐||)
mŏkka nerisidem̐ jālu mokṣhamemi ledo
yĕkkuva śhrīveṁkaḍeśhum̐ ḍidĕ vunnām̐ḍu
dakkam̐gŏṁṭem̐ jālu pĕddadanamemi yarudā
takkaga śhāṁtamudoḍi dayalona nunnadi