ఒక్కఁడే యేకాంగవీరుఁ డుర్వికి దైవమౌనా (మైనాఁడు? )
(॥పల్లవి॥)
ఒక్కఁడే యేకాంగవీరుఁ డుర్వికి దైవమౌనా (మైనాఁడు? )
యెక్కడా హనుమంతుని కెదురా లోకము
(॥ఒక్క॥)
ముందట నేలేపట్టమునకు బ్రహ్మయినాఁడు
అందరు దైత్యులఁ జంపి హరి పేరైనాఁడు
అంది రుద్రవీర్యము దానై హరుఁడైనాఁడు
యెందు నీ హనుమంతుని కెదురా లోకము
(॥ఒక్క॥)
చుక్కలు మోవఁ బెరిగి సూర్యుఁడు దానైనాఁడు
చిక్కుఁ బాతాళము దూరి శేషుఁడైనాఁడు
గక్కన వాయుజుఁడై జగత్ప్రాణుఁడై నాఁడు
యెక్కువ హనుమంతుని కెదురా లోకము
(॥ఒక్క॥)
జలధిఁ బుటమెగసి చంద్రుఁడు దానైనాఁడు
చెలఁగి మేరువుపొంత సింహమైనాఁడు
బలిమి శ్రీ వేంకటేశు బంటై మంగాంబుధి -
నిల యీ హనుమంతుని కెదురా లోకము
(||pallavi||)
ŏkkam̐ḍe yegāṁgavīrum̐ ḍurvigi daivamaunā (mainām̐ḍu? )
yĕkkaḍā hanumaṁtuni kĕdurā logamu
(||ŏkka||)
muṁdaḍa nelebaṭṭamunagu brahmayinām̐ḍu
aṁdaru daityulam̐ jaṁpi hari perainām̐ḍu
aṁdi rudravīryamu dānai harum̐ḍainām̐ḍu
yĕṁdu nī hanumaṁtuni kĕdurā logamu
(||ŏkka||)
sukkalu movam̐ bĕrigi sūryum̐ḍu dānainām̐ḍu
sikkum̐ bādāḽamu dūri śheṣhum̐ḍainām̐ḍu
gakkana vāyujum̐ḍai jagatprāṇum̐ḍai nām̐ḍu
yĕkkuva hanumaṁtuni kĕdurā logamu
(||ŏkka||)
jaladhim̐ buḍamĕgasi saṁdrum̐ḍu dānainām̐ḍu
sĕlam̐gi meruvubŏṁta siṁhamainām̐ḍu
balimi śhrī veṁkaḍeśhu baṁṭai maṁgāṁbudhi -
nila yī hanumaṁtuni kĕdurā logamu