(॥పల్లవి॥)
ఒక్కఁ డెవ్వఁడో వుర్వికి దైవము
యెక్కువ నాతని నెరఁగవో మనసా
(॥ఒక్కఁ॥)
వొట్టిన జీవుల కొక బ్రహ్మ గలఁడు
పట్టిన విప్రులు బ్రహ్మలమందురు
నట్టనడుమవారే నవబ్రహ్మలు
జట్టిగ బ్రహ్మల సంతాయ జగము
(॥ఒక్కఁ॥)
కైలాసంబునఁ గలఁ డొక రుద్రుఁడు
తాలిమి నేకాదశరుద్రులు మరి
కాలరుద్రుఁడును కడపట నదివో
చాలిన రుద్రుల సంతాయ జగము
(॥ఒక్కఁ॥)
అవతారంబున నలరిన విష్ణువు
అవలవిష్ణుమయమనియెడి విష్ణువు
భువి శ్రీవేంకటమున నున్నాఁ డిదె
జవళి వరంబుల సంతాయ జగము
(||pallavi||)
ŏkkam̐ ḍĕvvam̐ḍo vurvigi daivamu
yĕkkuva nādani nĕram̐gavo manasā
(||ŏkkam̐||)
vŏṭṭina jīvula kŏga brahma galam̐ḍu
paṭṭina viprulu brahmalamaṁduru
naṭṭanaḍumavāre navabrahmalu
jaṭṭiga brahmala saṁtāya jagamu
(||ŏkkam̐||)
kailāsaṁbunam̐ galam̐ ḍŏga rudrum̐ḍu
tālimi negādaśharudrulu mari
kālarudrum̐ḍunu kaḍabaḍa nadivo
sālina rudrula saṁtāya jagamu
(||ŏkkam̐||)
avadāraṁbuna nalarina viṣhṇuvu
avalaviṣhṇumayamaniyĕḍi viṣhṇuvu
bhuvi śhrīveṁkaḍamuna nunnām̐ ḍidĕ
javaḽi varaṁbula saṁtāya jagamu