(॥పల్లవి॥)
ఒక్కటి తరువాత వేరొకటై కాచుకుండు
చక్క దెరనాటకము సంగతి సంసారము
(॥ఒక్క॥)
వొండె నాపద దీరితే నొండె సంపదైనా వచ్చు
అండ నెన్నఁడుఁ దీరదు హరిఁ దలఁచ
తండోపతండములై తలమోపులు పనులు
చండిపెట్టి పనిగొను సంసారము
(॥ఒక్క॥)
పాప మొల్లనంటేను బలుపుణ్యమై తగులు
యేపొద్దుఁ దీరదు హరి నిటు దలఁచ
వోపనన్నాఁ బోనీదు వూరకైనఁ బనిగొను
చాపకింది నీరువలె సంసారము
(॥ఒక్క॥)
పగలెల్లా నలసితే పైకొను రాతిరి నిద్ర
అగపడ దెప్పుడును హరిఁ దలఁచ
తగిలి శ్రీవేంకటాద్రి దైవమే పొడచూపఁగా
జగడము సంతమాయ సంసారము
(||pallavi||)
ŏkkaḍi taruvāda verŏgaḍai kāsuguṁḍu
sakka dĕranāḍagamu saṁgadi saṁsāramu
(||ŏkka||)
vŏṁḍĕ nābada dīride nŏṁḍĕ saṁpadainā vachchu
aṁḍa nĕnnam̐ḍum̐ dīradu harim̐ dalam̐sa
taṁḍobadaṁḍamulai talamobulu panulu
saṁḍibĕṭṭi panigŏnu saṁsāramu
(||ŏkka||)
pāba mŏllanaṁṭenu balubuṇyamai tagulu
yebŏddum̐ dīradu hari niḍu dalam̐sa
vobanannām̐ bonīdu vūragainam̐ banigŏnu
sābagiṁdi nīruvalĕ saṁsāramu
(||ŏkka||)
pagalĕllā nalaside paigŏnu rādiri nidra
agabaḍa dĕppuḍunu harim̐ dalam̐sa
tagili śhrīveṁkaḍādri daivame pŏḍasūbam̐gā
jagaḍamu saṁtamāya saṁsāramu