(॥పల్లవి॥)
ఓహో యెంతటివాఁడే వొద్దనున్నవాఁడే హరి
సాహసపు గుణముల చతురుఁడా యితఁడు
(॥ఓహో॥)
జలధిలోఁ బవళించి జలనిధి బంధించి
జల నిధి కన్యకను సరిఁ బెండ్లాడి
జలనిధిలో నీఁది జలనిధి మథియించి
జలధి వెరించిన చలమరా యితఁడు
(॥ఓహో॥)
ధరణికిఁ బతియై ధరణి గ్రుంగిన నెత్తి
ధరణికూఁతురుఁ దానె తగఁ బెండ్లాడి
ధరణిఁ బాదము మోపి ధరణి భారము దించి
ధరణీ ధరుఁడైన దైవమా ఇతఁడు
(॥ఓహో॥)
కొండ గొడుగుగ నెత్తి కొండఁ దూఁటువడ నేసి
కొండకిందఁ గుదురై కూచుండి
కొండపై శ్రీ వేంకటాద్రి కోనేటిరాయఁడై
కొండ వంటి దేవుఁడైన కోవిదుఁడా ఇతఁడు
(||pallavi||)
oho yĕṁtaḍivām̐ḍe vŏddanunnavām̐ḍe hari
sāhasabu guṇamula sadurum̐ḍā yidam̐ḍu
(||oho||)
jaladhilom̐ bavaḽiṁchi jalanidhi baṁdhiṁchi
jala nidhi kanyaganu sarim̐ bĕṁḍlāḍi
jalanidhilo nīm̐di jalanidhi mathiyiṁchi
jaladhi vĕriṁchina salamarā yidam̐ḍu
(||oho||)
dharaṇigim̐ badiyai dharaṇi gruṁgina nĕtti
dharaṇigūm̐turum̐ dānĕ tagam̐ bĕṁḍlāḍi
dharaṇim̐ bādamu mobi dharaṇi bhāramu diṁchi
dharaṇī dharum̐ḍaina daivamā idam̐ḍu
(||oho||)
kŏṁḍa gŏḍuguga nĕtti kŏṁḍam̐ dūm̐ṭuvaḍa nesi
kŏṁḍagiṁdam̐ gudurai kūsuṁḍi
kŏṁḍabai śhrī veṁkaḍādri koneḍirāyam̐ḍai
kŏṁḍa vaṁṭi devum̐ḍaina kovidum̐ḍā idam̐ḍu