(॥పల్లవి॥)
ఒకరికొకరి అన్యోన్యము చూడరే
సకలము నెరిఁగిన సరసులె వీరు
(॥ఒకరి॥)
చెలిచంద్రముఖముసిరుల నాయకుఁడు
కలువలకన్నులఁ గడుఁ జూచె
చెలువ సూర్యతేజపుఁ బతిని మరల
జలజాక్షంబుల సతియును జూచె
(॥ఒకరి॥)
తారని బింబాధరితో రమణుఁడు
కోరి చిలుకపలుకులఁ బలికె
తోరపు మేఘపుతురుము విభునితో
ఆరయ మయూరయానయుఁ బలికె
(॥ఒకరి॥)
పడఁతిదేహలత ప్రాణనాథుఁడిటు
వొదలి చెమటచెరువులఁ దడిపె
కడఁగిన శ్రీవేంకటగిరిపతితోఁ
దడవి సింహమద్యయునొనఁగూడె
(||pallavi||)
ŏgarigŏgari anyonyamu sūḍare
sagalamu nĕrim̐gina sarasulĕ vīru
(||ŏgari||)
sĕlisaṁdramukhamusirula nāyagum̐ḍu
kaluvalagannulam̐ gaḍum̐ jūsĕ
sĕluva sūryadejabum̐ badini marala
jalajākṣhaṁbula sadiyunu jūsĕ
(||ŏgari||)
tārani biṁbādharido ramaṇum̐ḍu
kori silugabalugulam̐ baligĕ
torabu meghabudurumu vibhunido
āraya mayūrayānayum̐ baligĕ
(||ŏgari||)
paḍam̐tidehalada prāṇanāthum̐ḍiḍu
vŏdali sĕmaḍasĕruvulam̐ daḍibĕ
kaḍam̐gina śhrīveṁkaḍagiribadidom̐
daḍavi siṁhamadyayunŏnam̐gūḍĕ