(॥పల్లవి॥)
ఒకరి బుద్ధులు వేరొకరి పనికి రావు
అకలంకుఁ డింతటికి నంతర్యామి
(॥ఒకరి॥)
పొడమించు నాతఁడే పొదలించు నాతఁడే
నొడిగించు నాతఁడే నోరఁగొలఁది
గడియించు నాతఁడే కడలేని సిరులెల్ల
అడియాలమగులోని యంతర్యామి
(॥ఒకరి॥)
మతి యిచ్చు నాతఁడే మరపించు నాతఁడే
గతియౌ నాతఁడే కరుణానిధి
వెతమాన్పు నాతఁడే వెలయించు నాతఁడే
అతిశయమగులోని యంతర్యామి
(॥ఒకరి॥)
యిహమిచ్చు నాతఁడే యెదురెదురనే వచ్చి
సహజపుఁ బరమిచ్చు సరి నాతఁడే
విహగ గమనుఁడు శ్రీ వేంకటేశుఁ డితఁడే
అహరహమాదరించు నంతర్యామి
(||pallavi||)
ŏgari buddhulu verŏgari panigi rāvu
agalaṁkum̐ ḍiṁtaḍigi naṁtaryāmi
(||ŏgari||)
pŏḍamiṁchu nādam̐ḍe pŏdaliṁchu nādam̐ḍe
nŏḍigiṁchu nādam̐ḍe noram̐gŏlam̐di
gaḍiyiṁchu nādam̐ḍe kaḍaleni sirulĕlla
aḍiyālamaguloni yaṁtaryāmi
(||ŏgari||)
madi yichchu nādam̐ḍe marabiṁchu nādam̐ḍe
gadiyau nādam̐ḍe karuṇānidhi
vĕdamānpu nādam̐ḍe vĕlayiṁchu nādam̐ḍe
adiśhayamaguloni yaṁtaryāmi
(||ŏgari||)
yihamichchu nādam̐ḍe yĕdurĕdurane vachchi
sahajabum̐ baramichchu sari nādam̐ḍe
vihaga gamanum̐ḍu śhrī veṁkaḍeśhum̐ ḍidam̐ḍe
aharahamādariṁchu naṁtaryāmi