ఒకటి కొకటి యాస నుండఁ జెలిభావ మిది
(॥పల్లవి॥)
ఒకటి కొకటి యాస నుండఁ జెలిభావ మిది
మొకమెదుటనె నన్ను మోవ వ్రాసెనే
(॥ఒక॥)
పొలిఁతికురులు వ్రాయఁబోతేఁ దుమ్మిదలాయ
తలఁగకుండఁగ మోముఁదమ్మి వ్రాసెనే
కలికికన్నులు వ్రాయ గండుమీలై పొడచూపె
చెలపచెమట నీటిచెక్కులు వ్రాసెనే
(॥ఒక॥)
సరిఁ గుచములు వ్రాయ జక్కవలై పొడచూపె
నిరుదెస బాహులత లిటు వ్రాసెనే
గరిమ నడుము వ్రాయఁగా సింహమై తోఁచె
వరుసఁ దొడల యంటివనము వ్రాసెనే
(॥ఒక॥)
కోమలిపాదాలు వ్రాయఁ గూర్మములై పొడచూపె
ఆమని జవ్వనపులోఁ తటు వ్రాసెనే
యీమేర శ్రీ వెంకటేశఁ డే ననుచుఁ గూడె
రామ యిట్టె యిదివో నా రతి వ్రాసెనే
(||pallavi||)
ŏgaḍi kŏgaḍi yāsa nuṁḍam̐ jĕlibhāva midi
mŏgamĕduḍanĕ nannu mova vrāsĕne
(||ŏga||)
pŏlim̐tigurulu vrāyam̐bodem̐ dummidalāya
talam̐gaguṁḍam̐ga momum̐dammi vrāsĕne
kaligigannulu vrāya gaṁḍumīlai pŏḍasūbĕ
sĕlabasĕmaḍa nīḍisĕkkulu vrāsĕne
(||ŏga||)
sarim̐ gusamulu vrāya jakkavalai pŏḍasūbĕ
nirudĕsa bāhulada liḍu vrāsĕne
garima naḍumu vrāyam̐gā siṁhamai tom̐sĕ
varusam̐ dŏḍala yaṁṭivanamu vrāsĕne
(||ŏga||)
komalibādālu vrāyam̐ gūrmamulai pŏḍasūbĕ
āmani javvanabulom̐ taḍu vrāsĕne
yīmera śhrī vĕṁkaḍeśham̐ ḍe nanusum̐ gūḍĕ
rāma yiṭṭĕ yidivo nā radi vrāsĕne