(॥పల్లవి॥)
ఒకటి కినుమడాయ వువిద నీబలఁగము
వొకఁడింతె మరునికి వొదుగనేమిటికి
(॥ఒక॥)
గండుమీలవంటివి నీకన్నులు కంతునికైతే
గండుమీరనొక్కటెక్కెమే కలఁగకువే
అండనే వొంటితామర అతనిబాణముగాని
రెండుదామరలు నీరిచ్చలహస్తములు
(॥ఒక॥)
చిలుకల తేరింతే చిత్తజునకు నీకైతే
చిలుకల పలుకులు సేనాసేన
అలులనారివిల్లు అతనికైతే నీకు
అలుల బొమ్మలవిండ్లవె రెండు గదవే
(॥ఒక॥)
చిగురుఁగైదువ మరుచేతిదింతే నీకయితే
చిగురుఁబాదాలు రెండు చింతయేఁటికే
తగిలి యాతఁడు యేకతాననే వుండుఁ గాని
నిగిడి శ్రీ వేంకటేశు నీవు గూడితివి
(||pallavi||)
ŏgaḍi kinumaḍāya vuvida nībalam̐gamu
vŏgam̐ḍiṁtĕ marunigi vŏduganemiḍigi
(||ŏga||)
gaṁḍumīlavaṁṭivi nīgannulu kaṁtunigaide
gaṁḍumīranŏkkaḍĕkkĕme kalam̐gaguve
aṁḍane vŏṁṭidāmara adanibāṇamugāni
rĕṁḍudāmaralu nīrichchalahastamulu
(||ŏga||)
silugala teriṁte sittajunagu nīgaide
silugala palugulu senāsena
alulanārivillu adanigaide nīgu
alula bŏmmalaviṁḍlavĕ rĕṁḍu gadave
(||ŏga||)
sigurum̐gaiduva marusedidiṁte nīgayide
sigurum̐bādālu rĕṁḍu siṁtayem̐ṭige
tagili yādam̐ḍu yegadānane vuṁḍum̐ gāni
nigiḍi śhrī veṁkaḍeśhu nīvu gūḍidivi