(॥పల్లవి॥)
ఒకటి గలిగినచోట నొకటి లేదు
వికటంపు టలుకేలె విభుఁడెదుట వీఁడె
(॥ఒకటి॥)
ఉవిద నీమోము చంద్రోదయంబై యుండి
నివురు నీ నవ్వువెన్నెల గాయదు
చివురుమోవి వసంతసిరి దొలఁకి యుండియును
యివలఁ గోవిలేల యెలుఁగియ్యవే
(॥ఒకటి॥)
వనిత నీ నిండుజవ్వనవనము గలిగియును
మినుకు నడపులకరులు మెదలవేలే
ఘనమైన చన్నుజక్కవలు మితిమీరఁగా
చెనసి నివ్వెరగుమతి చీఁకటిఁకనేలే
(॥ఒకటి॥)
మెలుఁత నీ నెరిఁదురుము మేఘంబు గలిగియును
తొలఁకు మెరుఁగులకళలు దోఁచవేలే
ఎలమితో శ్రీవేంకటేశుఁడింతటఁ గూడె
కలదెల్ల గర్వమై ఘటియించనేలే
(||pallavi||)
ŏgaḍi galiginasoḍa nŏgaḍi ledu
vigaḍaṁpu ṭalugelĕ vibhum̐ḍĕduḍa vīm̐ḍĕ
(||ŏgaḍi||)
uvida nīmomu saṁdrodayaṁbai yuṁḍi
nivuru nī navvuvĕnnĕla gāyadu
sivurumovi vasaṁtasiri dŏlam̐ki yuṁḍiyunu
yivalam̐ govilela yĕlum̐giyyave
(||ŏgaḍi||)
vanida nī niṁḍujavvanavanamu galigiyunu
minugu naḍabulagarulu mĕdalavele
ghanamaina sannujakkavalu midimīram̐gā
sĕnasi nivvĕragumadi sīm̐kaḍim̐kanele
(||ŏgaḍi||)
mĕlum̐ta nī nĕrim̐durumu meghaṁbu galigiyunu
tŏlam̐ku mĕrum̐gulagaḽalu dom̐savele
ĕlamido śhrīveṁkaḍeśhum̐ḍiṁtaḍam̐ gūḍĕ
kaladĕlla garvamai ghaḍiyiṁchanele