(॥పల్లవి॥)
ఒకపరి కొకపరి కొయ్యారమై
మొకమునఁ గళలెల్లా మొలచినట్లుండె
(॥ఒక॥)
జగదేకపతిమేనఁ జల్లిన కర్పూరధూళి
జిగిగొని నలువంకఁ జిందఁగాను
మొగిఁ జంద్రముఖి నురమున నిలిపెఁ గనక
పొగరువెన్నెల దీగఁబోసిన ట్లుండె
(॥ఒక॥)
పొరి మెఱుఁగుఁజెక్కులఁ బూసిన తట్టుపుణుఁగు
కరఁగి యిరుదెసలఁ గారఁగాను
కరిగమనవిభుఁడు గనక మోహమదము
తొరిగి సామజసిరి దొలఁకినట్లుండె
(॥ఒక॥)
మెఱయ శ్రీవేంకటేశుమేన సింగారముగాను
తఱచయిన సొమ్ములు ధరియించఁగా
మెఱుఁగుఁబోణి యలమేలుమంగయుఁ దాను
మెఱుపుమేఘము గూడి మెఱసిన ట్లుండె
(||pallavi||)
ŏgabari kŏgabari kŏyyāramai
mŏgamunam̐ gaḽalĕllā mŏlasinaṭluṁḍĕ
(||ŏga||)
jagadegabadimenam̐ jallina karbūradhūḽi
jigigŏni naluvaṁkam̐ jiṁdam̐gānu
mŏgim̐ jaṁdramukhi nuramuna nilibĕm̐ ganaga
pŏgaruvĕnnĕla dīgam̐bosina ṭluṁḍĕ
(||ŏga||)
pŏri mĕṟum̐gum̐jĕkkulam̐ būsina taṭṭubuṇum̐gu
karam̐gi yirudĕsalam̐ gāram̐gānu
karigamanavibhum̐ḍu ganaga mohamadamu
tŏrigi sāmajasiri dŏlam̐kinaṭluṁḍĕ
(||ŏga||)
mĕṟaya śhrīveṁkaḍeśhumena siṁgāramugānu
taṟasayina sŏmmulu dhariyiṁcham̐gā
mĕṟum̐gum̐boṇi yalamelumaṁgayum̐ dānu
mĕṟubumeghamu gūḍi mĕṟasina ṭluṁḍĕ