ఒద్దు మమ్ముఁ జెనకక వుండుమనవే
(॥పల్లవి॥)
ఒద్దు మమ్ముఁ జెనకక వుండుమనవే
యిద్దరము నెదురైతి మింతె పొమ్మనవే
(॥ఒద్దు॥)
పాలవంటికులము మా భావము నిచ్చలము
నాలి మమ్ముఁ జూచి యేల నవ్వీనె తాను
పోలింప మా యంకులును పుప్పొడిమై సంకులు
చాలు నిది చూచి తాను సన్నలేల సేసీనే
(॥ఒద్దు॥)
మోచేవి చల్లలు నేము ముడిచేవి మొల్లలు
పూఁచి యేల రట్టుసేసి పొంచీనె తాను
కాచేదా మా మందలు కడసారె నిందలు
యేచి తాను మమ్ము గేలి యేల సేసీనే
(॥ఒద్దు॥)
గుంపెన మా నడపు కొప్పు గడు నిడుపు
తెంపున మమ్మేల యింత తేల నాడీనే
యింపుల శ్రీవెంకటేశుఁ డింతలోనె మమ్ముఁ గూడె
సంపదల మమ్ము నేల సాదించీనే
(||pallavi||)
ŏddu mammum̐ jĕnagaka vuṁḍumanave
yiddaramu nĕduraidi miṁtĕ pŏmmanave
(||ŏddu||)
pālavaṁṭigulamu mā bhāvamu nichchalamu
nāli mammum̐ jūsi yela navvīnĕ tānu
poliṁpa mā yaṁkulunu puppŏḍimai saṁkulu
sālu nidi sūsi tānu sannalela sesīne
(||ŏddu||)
mosevi sallalu nemu muḍisevi mŏllalu
pūm̐si yela raṭṭusesi pŏṁchīnĕ tānu
kāsedā mā maṁdalu kaḍasārĕ niṁdalu
yesi tānu mammu geli yela sesīne
(||ŏddu||)
guṁpĕna mā naḍabu kŏppu gaḍu niḍubu
tĕṁpuna mammela yiṁta tela nāḍīne
yiṁpula śhrīvĕṁkaḍeśhum̐ ḍiṁtalonĕ mammum̐ gūḍĕ
saṁpadala mammu nela sādiṁchīne