(॥పల్లవి॥)
ఒద్దేలే జగడాలు వో యింతి
సిద్దె బట్టి కోరికలు చిత్తఁగించఁ గదవే
(॥ఒద్దే॥)
మొగముచూచి యతఁడు మోవితేనెలడుగఁగా
వొగరులేలాడేవే వోయింతి
నగవుల పంచదార నాథుఁ డందుపై జల్లి
జిగి చవిచేకొనీఁ జిత్తగించఁ గదవే
(॥ఒద్దే॥)
వాటపు వలపతఁడు వారవట్టుకుండఁగాను
వూటలేల పోఁ జల్లేవే వోయింతి
పాటించి సరసముల పన్నీరతఁడు నించి
చీటికి మాటికి వేఁడీ చిత్తగించ గదవే
(॥ఒద్దే॥)
అప్పుడే కాఁగిటఁ గూడి ఆయములతఁడంటఁగా
వుప్పతించేవేలె రతులోయింతి
చిప్పిలె కాఁగిటిలోన శ్రీవేంకటేశ్వరుఁడు
చెప్పరాని చేఁత సేసీఁ జిత్తగించ గదవే
(||pallavi||)
ŏddele jagaḍālu vo yiṁti
siddĕ baṭṭi korigalu sittam̐giṁcham̐ gadave
(||ŏdde||)
mŏgamusūsi yadam̐ḍu movidenĕlaḍugam̐gā
vŏgarulelāḍeve voyiṁti
nagavula paṁchadāra nāthum̐ ḍaṁdubai jalli
jigi savisegŏnīm̐ jittagiṁcham̐ gadave
(||ŏdde||)
vāḍabu valabadam̐ḍu vāravaṭṭuguṁḍam̐gānu
vūḍalela pom̐ jalleve voyiṁti
pāḍiṁchi sarasamula pannīradam̐ḍu niṁchi
sīḍigi māḍigi vem̐ḍī sittagiṁcha gadave
(||ŏdde||)
appuḍe kām̐giḍam̐ gūḍi āyamuladam̐ḍaṁṭam̐gā
vuppadiṁchevelĕ raduloyiṁti
sippilĕ kām̐giḍilona śhrīveṁkaḍeśhvarum̐ḍu
sĕpparāni sem̐ta sesīm̐ jittagiṁcha gadave