ఒద్దేల మొక్కేవో వుద్ధవుఁడా తన
(॥పల్లవి॥)
ఒద్దేల మొక్కేవో వుద్ధవుఁడా తన-
ఉద్దండాలె చెల్లె నుద్ధవుఁడా
(॥ఒద్దే॥)
ఊరూర వలపులుద్ధవుఁడా నే-
మోరుతుమా యిఁక నుద్ధవుఁడా
ఊరడించ వచ్చేవు వుద్ధవుఁడా తన-
వూరట చెలుములుద్ధవుఁడా
(॥ఒద్దే॥)
ఒప్పలర మావురిసిన పుం-
డ్లుప్పులు వెట్టించె నుద్ధవుఁడా
చెప్పకు మమ్మిఁక చెలువుఁడాతఁడే
వొప్పివుంటేఁ జాలు నుద్ధవుఁడా
(॥ఒద్దే॥)
గోపకల మమ్ము గూరిమిఁజిక్కించె-
నోపమింతేసి నేముద్ధవుఁడా
పైపైనే మమ్మింత ప్రాణము నిలుప-
నోపెఁగా తానైన నుద్ధవుఁడా
(॥ఒద్దే॥)
తెగి తన్నుఁ గూడే తెరఁగు దలఁచి
యుగములై నవి ఉద్ధవుఁడా
పగటున మా మా ప్రాణము మాకిఁక
నొగరే తీపాయే నుద్ధవుఁడా
(॥ఒద్దే॥)
చెల్లించె మా ప్రేమ శ్రీవేంకటేశుఁడు
వుల్లమలర నేఁడుద్ధవుఁడా
చల్లని కూటపు జనవిచ్చి మామా-
వొళ్లెల్లఁ జెనకె నుద్ధవుఁడా
(||pallavi||)
ŏddela mŏkkevo vuddhavum̐ḍā tana-
uddaṁḍālĕ sĕllĕ nuddhavum̐ḍā
(||ŏdde||)
ūrūra valabuluddhavum̐ḍā ne-
morudumā yim̐ka nuddhavum̐ḍā
ūraḍiṁcha vachchevu vuddhavum̐ḍā tana-
vūraḍa sĕlumuluddhavum̐ḍā
(||ŏdde||)
ŏppalara māvurisina puṁ-
ḍluppulu vĕṭṭiṁchĕ nuddhavum̐ḍā
sĕppagu mammim̐ka sĕluvum̐ḍādam̐ḍe
vŏppivuṁṭem̐ jālu nuddhavum̐ḍā
(||ŏdde||)
gobagala mammu gūrimim̐jikkiṁchĕ-
nobamiṁtesi nemuddhavum̐ḍā
paibaine mammiṁta prāṇamu niluba-
nobĕm̐gā tānaina nuddhavum̐ḍā
(||ŏdde||)
tĕgi tannum̐ gūḍe tĕram̐gu dalam̐si
yugamulai navi uddhavum̐ḍā
pagaḍuna mā mā prāṇamu māgim̐ka
nŏgare tībāye nuddhavum̐ḍā
(||ŏdde||)
sĕlliṁchĕ mā prema śhrīveṁkaḍeśhum̐ḍu
vullamalara nem̐ḍuddhavum̐ḍā
sallani kūḍabu janavichchi māmā-
vŏḽlĕllam̐ jĕnagĕ nuddhavum̐ḍā