ఒద్దన్న జలము సేసీ నోయమ్మ వీఁడు । తన ।
(॥పల్లవి॥)
ఒద్దన్న జలము సేసీ నోయమ్మ వీఁడు । తన ।
వుద్దండా లెంతైనా మానఁ డోయమ్మ వీఁడు
(॥ఒద్ద॥)
యేపుమీరి నాతోడ నెగసక్కే లాడీని
వో పో పొమ్మన్న మానఁ డోయమ్మ వీఁడు
పై పై నన్నుఁ జెనకి బలిమి సేయవచ్చీనే
నోపనన్నాఁ గొంగువట్టీ నోయమ్మ వీఁడు
(॥ఒద్ద॥)
సారెకుఁ బేరఁ బిలిచి సన్నలు సేయవచ్చీని
వూరకపోయెటి నన్ను నోయమ్మ వీఁడు
నేరుపరి నంటానె నిండువావి సేసుకొనీ
నోరిచిన నెరఁగఁడు వోయమ్మ వీఁడు
(॥ఒద్ద॥)
యేలుకొన్నవానివలె నెవ్వరుంటా నెరఁగఁడు
వోలవేయవచ్చీ నాపై నొయమ్మ వీఁడు
నాలికాఁడు శ్రీవెంకటనాథుఁడు నన్ను విట్టె
వోలివెట్టెకె కూడె నోయమ్మ వీఁడు.
(||pallavi||)
ŏddanna jalamu sesī noyamma vīm̐ḍu | tana |
vuddaṁḍā lĕṁtainā mānam̐ ḍoyamma vīm̐ḍu
(||ŏdda||)
yebumīri nādoḍa nĕgasakke lāḍīni
vo po pŏmmanna mānam̐ ḍoyamma vīm̐ḍu
pai pai nannum̐ jĕnagi balimi seyavachchīne
nobanannām̐ gŏṁguvaṭṭī noyamma vīm̐ḍu
(||ŏdda||)
sārĕgum̐ beram̐ bilisi sannalu seyavachchīni
vūragaboyĕḍi nannu noyamma vīm̐ḍu
nerubari naṁṭānĕ niṁḍuvāvi sesugŏnī
norisina nĕram̐gam̐ḍu voyamma vīm̐ḍu
(||ŏdda||)
yelugŏnnavānivalĕ nĕvvaruṁṭā nĕram̐gam̐ḍu
volaveyavachchī nābai nŏyamma vīm̐ḍu
nāligām̐ḍu śhrīvĕṁkaḍanāthum̐ḍu nannu viṭṭĕ
volivĕṭṭĕgĕ kūḍĕ noyamma vīm̐ḍu.