ఒడఁబరుచుకొంటివి వుపేంద్ర నిన్ను నిపుడె
(॥పల్లవి॥)
ఒడఁబరుచుకొంటివి వుపేంద్ర నిన్ను నిపుడె
చిడిముడి నీసేవకే సెలవు చేసుకొమ్మీ
(॥ఒడఁ॥)
కన్నుల నేఁ జూచేదెల్లా కమలాక్ష నీపాదాలే
విన్నవినుకులెల్లా విష్ణుఁడ నీకథలే
తిన్నని నామాటలెల్లా త్రివిక్రమ నీమంత్రాలే
అన్నిటా నాభావము సమర్పణము నీకును
(॥ఒడఁ॥)
అట్టె నే నడచేవెల్లా హరి నీప్రదక్షిణాలే
గుట్టున నాసేఁతలెల్లా గోవింద నీకైంకర్యాలే
ముట్టి నేభజించినవి ముకుంద నీప్రసాదాలే
నెట్టన నాభోగమెల్లా నీవసము చేసితి
(॥ఒడఁ॥)
యిల నేఁ బండఁబడేవి యీశ్వర నీకు మొక్కులే
తలఁచే నాతలఁపెల్లా దామోదర నీధ్యానమె
నలువంక శ్రీవేంకటనాయక నీయనుజ్ఞను
నెలవై నాభవములెల్లా నీసొమ్ము చేసితి
(||pallavi||)
ŏḍam̐barusugŏṁṭivi vubeṁdra ninnu nibuḍĕ
siḍimuḍi nīsevage sĕlavu sesugŏmmī
(||ŏḍam̐||)
kannula nem̐ jūsedĕllā kamalākṣha nībādāle
vinnavinugulĕllā viṣhṇum̐ḍa nīgathale
tinnani nāmāḍalĕllā trivikrama nīmaṁtrāle
anniḍā nābhāvamu samarbaṇamu nīgunu
(||ŏḍam̐||)
aṭṭĕ ne naḍasevĕllā hari nīpradakṣhiṇāle
guṭṭuna nāsem̐talĕllā goviṁda nīgaiṁkaryāle
muṭṭi nebhajiṁchinavi muguṁda nīprasādāle
nĕṭṭana nābhogamĕllā nīvasamu sesidi
(||ŏḍam̐||)
yila nem̐ baṁḍam̐baḍevi yīśhvara nīgu mŏkkule
talam̐se nādalam̐pĕllā dāmodara nīdhyānamĕ
naluvaṁka śhrīveṁkaḍanāyaga nīyanujñanu
nĕlavai nābhavamulĕllā nīsŏmmu sesidi