ఓపితేఁ దానే తగిలి వోపకున్నఁ దానే మాని
(॥పల్లవి॥)
ఓపితేఁ దానే తగిలి వోపకున్నఁ దానే మాని
మాపురేపు నలయించే మాయ మాకేలా
(॥ఓపి॥)
చింతాయకుఁడగు(?) హరి చిత్తములో నుండఁగాను
వింతవింత విచారాల వెఱ్ఱి మాకేలా
చెంతల పరుసవేది చేతిలోనే వుండఁగాను
దొంతరవిద్యలతోడి దోవ మాకేలా
(॥ఓపి॥)
తోడునీడై యచ్యుతుఁడు తొలఁగక వుండఁగాను
జాడ దప్పి తిరిగేటి జాలి మా కేలా
యేడనో కోకలు వేసి యేమియు నెరఁగలేక
వేడుకతో కొక్కెరాలవెంట మాకేలా
(॥ఓపి॥)
వెల్లవిరై యెదుట శ్రీవేంకటేశుఁ డుండఁగాను
బల్లిదుఁ డీతనిఁ బాసి భ్రమ మాకేలా
యెల్ల ధాన్యములు మా యింటిలో నుండఁగాను
పొల్లి కట్టు దంచేమని బుద్ధి మాకేలా
(||pallavi||)
obidem̐ dāne tagili vobagunnam̐ dāne māni
māburebu nalayiṁche māya māgelā
(||obi||)
siṁtāyagum̐ḍagu(?) hari sittamulo nuṁḍam̐gānu
viṁtaviṁta visārāla vĕṭri māgelā
sĕṁtala parusavedi sedilone vuṁḍam̐gānu
dŏṁtaravidyaladoḍi dova māgelā
(||obi||)
toḍunīḍai yachyudum̐ḍu tŏlam̐gaga vuṁḍam̐gānu
jāḍa dappi tirigeḍi jāli mā kelā
yeḍano kogalu vesi yemiyu nĕram̐galega
veḍugado kŏkkĕrālavĕṁṭa māgelā
(||obi||)
vĕllavirai yĕduḍa śhrīveṁkaḍeśhum̐ ḍuṁḍam̐gānu
ballidum̐ ḍīdanim̐ bāsi bhrama māgelā
yĕlla dhānyamulu mā yiṁṭilo nuṁḍam̐gānu
pŏlli kaṭṭu daṁchemani buddhi māgelā