ఓపను నే నందుకెల్లా నొడ్డుకొంటా నున్నదాన
(॥పల్లవి॥)
ఓపను నే నందుకెల్లా నొడ్డుకొంటా నున్నదాన
చేపట్టి నీవు నాచే సేవ గొనవయ్యా
(॥ఓప॥)
పెక్కుమాట లాడించఁగ బెరసి నేనేమందునో
అక్కరతో మన్నించితి వదే చాలు
వెక్కసమై నవ్వించఁగ వెసనెందుకు వచ్చునో
చిక్కులెల్ల వని నాసేవ గొనవయ్యా
(॥ఓప॥)
తొడపై నిడుకోఁగాను దొమ్మిఁ గాలు దాఁకునేమో
అడరి సేసవెట్టితి వదే చాలు
వొడలు సోఁకించఁగాను వొద్దికై యెట్టుండునో
చిడుముడి నిట్టే నాసేవ గొనవయ్యా
(॥ఓప॥)
కందువఁ గాఁగిలించఁగ కళ వట్టునో యేమో
అందుక విడెమిచ్చితి వదే చాలు
పొందితి శ్రీ వేంకటేశ బోదించఁగ నదియెట్టో
చిందుఁజెమటల నాచే సేవగొనవయ్యా
(||pallavi||)
obanu ne naṁdugĕllā nŏḍḍugŏṁṭā nunnadāna
sebaṭṭi nīvu nāse seva gŏnavayyā
(||oba||)
pĕkkumāḍa lāḍiṁcham̐ga bĕrasi nenemaṁduno
akkarado manniṁchidi vade sālu
vĕkkasamai navviṁcham̐ga vĕsanĕṁdugu vachchuno
sikkulĕlla vani nāseva gŏnavayyā
(||oba||)
tŏḍabai niḍugom̐gānu dŏmmim̐ gālu dām̐kunemo
aḍari sesavĕṭṭidi vade sālu
vŏḍalu som̐kiṁcham̐gānu vŏddigai yĕṭṭuṁḍuno
siḍumuḍi niṭṭe nāseva gŏnavayyā
(||oba||)
kaṁduvam̐ gām̐giliṁcham̐ga kaḽa vaṭṭuno yemo
aṁduga viḍĕmichchidi vade sālu
pŏṁdidi śhrī veṁkaḍeśha bodiṁcham̐ga nadiyĕṭṭo
siṁdum̐jĕmaḍala nāse sevagŏnavayyā