(॥పల్లవి॥)
ఓ యమ్మా వినరో యమ్మా
మాయలాడి మానిని
(॥ఓయ॥)
ఈ యింతికి విభుఁడిచ్చినా చన-
వేయెడాఁ బోవదిదిగదే
రాయంచ నడపుల రాజసమ్మున
పాయంపు రమణునిఁ బాయదు
(॥ఓయ॥)
సారె సటములు సందడింపుచు
జారీఁ బయ్యెద సరుగనా
దరి రమణునిఁ దొలఁకుఁ గన్నుల
నీరు నించదు నిలువరే
(॥ఓయ॥)
అంకించి పిలిచినప్పుడా తిరు-
వేంకటేశ్వరు వెరవున
బొంకు లేని యట్టి పొందు చేకొని
పంకజానన పైకొనే
(||pallavi||)
o yammā vinaro yammā
māyalāḍi mānini
(||oya||)
ī yiṁtigi vibhum̐ḍichchinā sana-
veyĕḍām̐ bovadidigade
rāyaṁcha naḍabula rājasammuna
pāyaṁpu ramaṇunim̐ bāyadu
(||oya||)
sārĕ saḍamulu saṁdaḍiṁpusu
jārīm̐ bayyĕda saruganā
dari ramaṇunim̐ dŏlam̐kum̐ gannula
nīru niṁchadu niluvare
(||oya||)
aṁkiṁchi pilisinappuḍā tiru-
veṁkaḍeśhvaru vĕravuna
bŏṁku leni yaṭṭi pŏṁdu segŏni
paṁkajānana paigŏne