ఓ యమ్మ యెట్టుసేసె నొకటొకటే
(॥పల్లవి॥)
ఓ యమ్మ యెట్టుసేసె నొకటొకటే
మాయలెల్లఁ జేసినాఁడు మరి యింకనెట్టో
(॥ఓయమ్మ॥)
చన్నుదాగి పూతనను సగ్గుడుగాఁ జప్పరించె
మిన్నుదాఁకె సుడిగాలి మెడ దొక్కెను
వెన్న ముచ్చిరిం చి గొల్లవెలఁదులనెల్ల మెచ్చి
పిన్ననాఁడె యింతసేసెఁ బెద్దయైన నెట్టో
(॥ఓయమ్మ॥)
మద్దిమాఁకులు విరిచె మామయింటికేఁగి పెద్ద
యెద్దులఁ బీఁచమణఁచె నేమి వెప్పరు
చద్దికూటి ముద్దలోనె జలజాసనుని మాయ
వద్దనక పతిసేసె వాఁడివో నేడెట్టో
(॥ఓయమ్మ॥)
కొండవంటి పామునోరు కొచ్చి కొచ్చి చంపి చంపి
మెండుకొని వుక్కణంచె మేనమామను
కొండల వేంకటపతి కోనేటిరాయఁడు
నిండు కృప మముఁ గాచేనేరుపిఁక నెట్టో
(||pallavi||)
o yamma yĕṭṭusesĕ nŏgaḍŏgaḍe
māyalĕllam̐ jesinām̐ḍu mari yiṁkanĕṭṭo
(||oyamma||)
sannudāgi pūdananu sagguḍugām̐ jappariṁchĕ
minnudām̐kĕ suḍigāli mĕḍa dŏkkĕnu
vĕnna muchchiriṁ si gŏllavĕlam̐dulanĕlla mĕchchi
pinnanām̐ḍĕ yiṁtasesĕm̐ bĕddayaina nĕṭṭo
(||oyamma||)
maddimām̐kulu virisĕ māmayiṁṭigem̐gi pĕdda
yĕddulam̐ bīm̐samaṇam̐sĕ nemi vĕpparu
saddigūḍi muddalonĕ jalajāsanuni māya
vaddanaga padisesĕ vām̐ḍivo neḍĕṭṭo
(||oyamma||)
kŏṁḍavaṁṭi pāmunoru kŏchchi kŏchchi saṁpi saṁpi
mĕṁḍugŏni vukkaṇaṁchĕ menamāmanu
kŏṁḍala veṁkaḍabadi koneḍirāyam̐ḍu
niṁḍu kṛpa mamum̐ gāsenerubim̐ka nĕṭṭo