Oru sandamulla paingiliyen

ഒരു ചന്തമുള്ള പൈങ്കിളിയെന്‍
നെഞ്ചിനുള്ളില്‍ കൂടുവെച്ച
കഥ പറയാം ഞാന്‍
കുളിരമ്പിളിയും താരകളും
ഭൂമിയിലിറങ്ങിവന്ന കഥ പറയാം ഞാന്‍
മണിവീണ മീട്ടി വാ കൊച്ചുതെന്നലേ
കഥ കേട്ടെനിക്കൊരു സമ്മാനപ്പൂ-
ച്ചെണ്ടുമായി പോരാമോ നീ
വാസമുള്ള തെന്നലേ (ഒരു)

ഗാനസുമങ്ങള്‍ കോര്‍‌ത്തെടുത്തു ഞാന്‍
പ്രാണന്റെ നേരിയ നൂലിഴയില്‍
നോവിന്റെ തേന്മഴയില്‍...
(ഗാന...)

ശ്രുതിലയങ്ങള്‍ ചേര്‍ന്നു പുണരും
മധുനികുഞ്ജമഞ്ജരിയില്‍
മിഴിനീരുപ്പുള്ള ജീവിതഗാഥ
പാടുന്നു ഞാന്‍ സ്വയംപ്രഭേ പ്രഭേ
(ഗാന...)

വിരഹഗാനം പാടിയലയും
ഒരു കിനാവിന്‍ ചാതകി ഞാന്‍
മരണം രുചിക്കാത്ത ജീവിതഗാഥ
പാടുന്നു ഞാന്‍ പ്രിയേ പ്രിയേ പ്രിയേ
(ഗാന...)